Buyruq tartibida ish yuritish •Reja: • 1. Sud buyrug‘iga oid umumiy qoidalar. • 2. Sud buyrug‘ini berish bo‘yicha talablar. • 3.Sud buyrug‘ini berish to‘g‘risidagi arizani qabul qilishni rad etish asoslari. • 4. Sud buyrug‘ini berish bo‘yicha talablar. Sud buyrug‘iga oid umumiy qoidalar. • Sud buyrug‘i nizosiz talablar bo‘yicha sud muhokamasi o‘tkazmasdan berilgan sud hujjatidir. • Sud buyrug‘i ijro hujjati kuchiga ega. Sud buyrug‘i bo‘yicha undiruv buyruq berilganidan keyin o‘n kunlik muddat o‘tgandan keyin va sud hujjatlarini ijro etish uchun belgilangan tartibda amalga oshiriladi. • Aliment undirish va xodimga uch oylik ish haqidan ortiq bo‘lmagan ish haqini undirib berish to‘g‘risidagi sud buyruqlari darhol ijro etilishi lozim. Sud buyrug‘ini berish bo‘yicha talablar • 1) talab notarial tasdiqlangan bitimga asoslangan bo‘lsa; • 2) talab yozma bitimga asoslangan va qarzdor tomonidan tan olingan bo‘lsa; • 3) kommunal xizmatlar yoki aloqa xizmatlari to‘lovi bo‘yicha qazrdorlikni tasdiqlovchi hujjatlarga asoslangan undirish to‘g‘risida talab arz qilingan bo‘lsa; • 4) voyaga yetmagan bolalar uchun alimentlar undirish to‘g‘risidagi, otalikni belgilash bilan yoki uchinchi shaxslarni jalb etish zarurati bilan bog‘liq bo‘lmagan talab arz qilingan bo‘lsa; • 5) hisoblangan, lekin xodimga to‘lanmagan ish haqini va unga tenglashtirilgan to‘lovlarni undirish haqida talab arz qilingan bo‘lsa; • 6) fuqarolardan soliqlar va boshqa majburiy to‘lovlar bo‘yicha qarzdorlikni undirish to‘g‘risida talab arz qilingan bo‘lsa; • 7) ijara shartnomasida belgilangan ijara to‘lovlari muddatida to‘lanmaganligi sababli ushbu to‘lovlarni undirish to‘g‘risida talab arz qilingan bo‘lsa; • 8) ko‘p kvartirali uyning joylari mulkdorlaridan majburiy badallar va to‘lovlarni undirish to‘g‘risida talab arz qilingan bo‘lsa; • 9) 9) yozma bitim mavjud bo‘lgan taqdirda, undiruvni qarzdorning majburiyatlari bajarilishining ta’minoti bo‘lgan ko‘char mol-mulkka qaratish to‘g‘risida talab arz qilingan bo‘lsa. Sud buyrug‘ini berish to‘g‘risidagi arizaga ilova qilinadigan hujjatlar • 1) davlat boji va pochta xarajatlari belgilangan tartibda va miqdorda to‘langanligini; • 2) huquqiy munosabatni sudgacha hal qilish tartibiga rioya qilinganligi to‘g‘risidagi ma’lumotlarni, agar bu qonunda yoki shartnomada nazarda tutilgan bo‘lsa; • 3) talablarga asos bo‘lgan holatlarni; • 4) arz qilingan talabni tasdiqlovchi hujjatlar ilova qilinadi. • Sud buyrug‘ini berish to‘g‘risidagi arizani qabul qilishni rad etish asoslari 1) arz qilingan talab ushbu Kodeksning 171-moddasida nazarda tutilmagan bo‘lsa; 2) qarzdor O‘zbekiston Respublikasi sudlari yurisdiksiyasi doirasidan chetda bo‘lsa; 3) huquq to‘g‘risida nizo mavjud deb hisoblansa. Arizani qabul qilishni rad etish to‘g‘risida sudya ariza sudga kelib tushgan kundan e’tiboran uch kunlik muddat ichida ajrim chiqaradi. Arizani qabul qilish rad etilganligi undiruvchining shu talab bo‘yicha da’vo ishini yuritish tartibida da’vo taqdim etish imkoniyatiga to‘sqinlik qilmaydi. Sud buyrug‘ini berish to‘g‘risidagi arizadan qonunchilikda da’vo ishini yuritish uchun belgilangan tartibda va miqdorda davlat boji undiriladi. Sud buyrug‘ini berish to‘g‘risidagi arizani qabul qilish rad etilgan taqdirda, undiruvchi tomonidan to‘langan davlat boji qaytarib beriladi. Sud buyrug‘i bekor qilingan taqdirda undiruvchi tomonidan to‘langan davlat boji qaytarib berilmaydi. Undiruvchi tomonidan qarzdorga nisbatan da’vo ishi yuritish tartibida da’vo qo‘zg‘atilgan taqdirda, to‘langan davlat boji to‘lanishi lozim bo‘lgan bojga qo‘shib hisoblanadi. Davlat boji Sud buyrug‘ini berish to‘g‘risidagi arizani qaytarish •1) ariza ushbu Kodeksning 172-moddasida belgilangan talablarga rioya etilmagan holda berilgan bo‘lsa; •2) ushbu Kodeksning 173-moddasida nazarda tutilgan hujjatlar ilova qilinmagan bo‘lsa; •3) arz qilingan talabni tasdiqlovchi hujjatlar taqdim etilmagan bo‘lsa; • 4) davlat boji to‘langanligini tasdiqlovchi hujjat taqdim etilmagan bo‘lsa, davlat boji to‘lashni kechiktirish mumkinligi qonunda nazarda tutilgan hollarda esa bu haqda iltimosnoma mavjud bo‘lmasa yoxud iltimosnoma rad etilgan bo‘lsa; • 5) sud buyrug‘i berilguniga qadar undiruvchidan sud buyrug‘ini berish to‘g‘risidagi arizani qaytarish haqida ariza kelib tushgan bo‘lsa. • Sud buyrug‘ini berish to‘g‘risidagi arizani qaytarish haqida sudya ariza sudga kelib tushgan kundan e’tiboran uch kundan kechiktirmay ajrim chiqaradi. • Sud buyrug‘ini berish to‘g‘risidagi arizaning qaytarilishi yo‘l qo‘yilgan kamchiliklar bartaraf etilganidan keyin ushbu ariza bilan sudga ikkinchi marta murojaat etishga to‘sqinlik qilmaydi. • Sud buyrug‘ini berish tartibi va muddati. • Arz qilingan talabning mazmuni bo‘yicha sud buyrug‘i ariza sudga kelib tushgan kundan e’tiboran uch kun ichida sudya tomonidan beriladi. • Sud buyrug‘i sudya tomonidan undiruvchi va qarzdorni sudga chaqirmasdan, ularning tushuntirishlarini eshitmasdan yakka tartibda, sud muhokamasisiz beriladi. • Sud buyrug‘i sudya tomonidan imzolanadi. • Agar belgilangan muddatda qarzdordan sudga e’tiroz kelib tushmasa, sudya undiruvchiga sudning muhri bilan tasdiqlangan buyruq ko‘chirma nusxasini ijroga taqdim etish uchun beradi. • Undiruvchining iltimosiga ko‘ra sud buyrug‘i ijro etish uchun bevosita sud tomonidan yuborilishi mumkin. • Qarzdordan davlat bojini undirish uchun sudning muhri bilan tasdiqlangan sud buyrug‘ining alohida nusxasi bevosita sud tomonidan ijro etish uchun yuboriladi.