MAVZU: BIRINCHI INSTANSIYA SUDINING HAL QILUV QARORLARI VA AJRIMLARI USTIDAN KASATSIYA SHIKOYATI BERISH (PROTEST KELTIRISH) REJA: 1.Shikoyat va protest yuzasidan kassatsiya instansiyasi sudining vakolatlari O‘zbekiston Respublikasi Fuqarolik protsessual kodeksining 348l3-moddasiga muvofiq, ishni kassatsiya tartibida ko‘rayotganida sud birinchi instansiya sudi hal qiluv qarorining qonuniy, asosli va adolatli ekanligini kassatsiya shikoyati yoki protestining vajlari hamda ular yuzasidan bildirilgan e'tirozlar doirasida tekshiradi. U yangi dalillarni o‘rganib chiqishi va yangi faktlarni aniqlashi mumkin. O‘zbekiston Respublikasi Fuqarolik protsessual kodeksining 348,4-moddasiga asosan, kassatsiya instansiyasining sud majlisi FPKning 14, 333—342-moddalarida nazarda tutilgan tartibda o‘tkaziladi. O‘zbekiston Respublikasi Fuqarolik protsessual kodeksining 34815- moddasiga ko‘ra, sud ishni kassatsiya tartibida ko‘rib chiqqach, o‘z ajrimi bilan: 1) hal qiluv qarorini o‘zgarishsiz qoldirishga, shikoyat yoki protestni esa qanoatlantirmaslikka; 2) hal qiluv qarorini o‘zgartirishga yoxud butunlay yoki qisman bekor qilishga va yangi hal qiluv qarori chiqarishga; 3) FPKning 314-moddasi ikkinchi qismida nazarda tutilgan asoslar mavjud bo‘lgan taqdirda hal qiluv qarorini butunlay yoki qisman bekor qilishga hamda ishni yangidan ko‘rib chiqish uchun birinchi instansiya sudiga yuborishga haqli; 4) hal qiluv qarorini butunlay yoki qisman bekor qilishga hamda FPKning 97 va 100- moddalarida ko'rsatilgan asoslarga ko‘ra, ish yuritishni tugatishga yoxud arizani ko‘rmasdan qoldirishga haqli. O‘zbekiston Respublikasi Fuqarolik protsessual kodeksining 34816- moddasiga binoan, birinchi instansiya sudining apellatsiya tartibida ko‘rilmagan ajrimlari ustidan sudning hal qiluv qaroridan alohida holda kassatsiya instansiyasi sudiga sud ajrimi chiqarilgan kundan e'tiboran, bir yil ichida taraflar va ishda ishtirok etuvchi boshqa shaxslar tomonidan shikoyat berilishi hamda prokuror tomonidan protest keltirilishi mumkin.