EKONOMETRIK MODELLASHTIRISH ASOSLARI Reja: 1. Iqtisodiyotda modellashtirish asoslari. 2. Iqtisodiyotda modellarning tasnifi. 3. Iqtisodiyotda modellashtirish bosqichlari. Mashg‘ulot maqsadi: Ekonometrik modellashtirish bo‘yicha umumiy tasavvurlarni shakllantirish. Mavzuni o‘rganish natijasida talaba:  Iqtisodiyotda modellashtirish ahamiyatini aytib beradi;  Iqtisodiyotda modellarning tasnifini aytib beradi;  Iqtisodiyotda modellashtirish bosqichlarini sanab beradi. 1. Iqtisodiyotda modellashtirish asoslari Zamonaviy iqtisodiyot nazariyasi ham mikro-, ham makrodarajada tabiiy, zaruriy element sifatida matematik modellar va usullarni o‘z ichiga oladi. Matematikadan iqtisodiyotda foydalanish iqtisodiy o‘zgaruvchilar va ob’ektlarning eng muhim, ahamiyatli bog‘lanishlarini ajratishga va formal tasvirlashga, iqtisodiyot nazariyasining qoidalari, tushunchalari va xulosalarini aniq va lo‘nda bayon qilishga imkon beradi. Bunda modellar va modellashtirish muhim o‘rin tutadi. 1 O‘zbekiston Respublikаsi Prezidentining “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlar to‘g‘risida”gi 05.06.2018 yilda qabul qilingan PQ-3775 sonli Qarorida “Hududlarda yangi oliy ta’lim tashkil etilishi, kadrlar tayyorlashning zamonaviy ta’lim yo‘nalishlari va mutaxassisliklari hamda sirtqi va kechki bo‘limlarning ochilishi, oliy ta’lim muassasalariga qabul kvotalarining oshirilishi mazkur yo‘nalishdagi muhim islohatlar hisoblanadi. Oliy ta’lim muassasalari innovatsion va texnologk g‘oyalar bilan fikr almashadigan muloqat markazlariga aylanmagan, tegishli sohalarda mavjud muammo va kamchiliklarni tizimli o‘rganish, tahlil qilish va ularning yechimi bo‘yicha taklif kiritish borasida professor-o‘qituvchilar, yosh olimlar va talabalarning tashabbus ko‘rsatishlari uchun zarur shart-sharoitlar yaratilmagan1” ta’kidlab o‘tilgan. Model - bu shunday moddiy yoki xayolan tasavvur qilinadigan ob’ektki, qaysiki tadqiqot jarayonida haqiqiy ob’ektning o‘rnini shunday bosadiki, uni bevosita o‘rganish haqiqiy ob’ekt haqida yangi bilimlar beradi. Modellarni tuzishda tadqiq qilinayotgan hodisani belgilovchi muhim omillar aniqlanadi va qo‘yilgan masalani yechish uchun muhim bo‘lmagan qismlar chiqarib tashlanadi. Ilmiy izlanishlarda modellashtirish qadimgi zamonlardayoq qo‘llanila boshlandi va asta-sekin ilmiy bilimlarning qurilish va arxitektura, astronomiya, fizika, ximiya, biologiya va nihoyat, ijtimoiy fanlar kabi tobora yangi sohalarini qamrab ola boshladi. Birinchi matematik modellar F.Kene (1758 y., iqtisodiy jadval), A.Smit (klassik makroiqtisodiy model), D.Rikardo (xalqaro savdo modeli) tomonidan ishlatilgan. XX asr zamonaviy fanning amalda barcha sohalarida modellashtirish usuliga katta muvaffaqiyatlar va obro‘-e’tibor keltirdi. Turli iqtisodiy hodisalarni o‘rganish uchun ularning iqtisodiy modellar deb ataluvchi soddalashtirilgan formal tasvirlaridan foydalaniladi. Iste’mol tanlovi 1 O‘zbekiston Respublikаsi Prezidentining “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlar to‘g‘risida”gi 05.06.2018y Qarori //O‘zbekistan Respublikasi Qonunlari to‘plami. 2018 y., №23. 474 modda. 2 modellari, firma modellari, iqtisodiy o‘sish modellari, tovar va moliya bozorlaridagi muvozanat modellari va boshqa ko‘p modellar iqtisodiy modellarga misol bo‘ladi. Iqtisodiyotda matematik model - bu iqtisodiy ob’ektlar yoki jarayonlarni tahlil qilish yoki boshqarish maqsadida ularning matematik tasvirlanishi, ya’ni iqtisodiy masalaning matematik yozuvi. Iqtisodiy ob’ektning matematik modeli - bu uning funksiyalar, tenglamalar, tengsizliklar, mantiqiy munosabatlar, grafiklar majmuasi ko‘rinishidagi aks ettirilishi. Bunday aks ettirish o‘rganilayotgan ob’ekt elementlarining munosabatlari to‘plamini model elementlarining shunga o‘xshash munosabatlariga birlashtiradi. Iqtisodiy-matematik modelllarni amaliyotda qo‘llash usullari iqtisodiy- matematik usullar deb ataladi. Iqtisodiy-matematik usullar (IMU) iqtisodiyotni o‘rganish uchun birlashtirilgan iqtisodiy va matematik fanlarning birlashmasidir. Bu tushuncha fanga XX asrning 60-yillarida akademik V.S.Nemchinov tomonidan kiritilgan bo‘lib IMU iqtisodiyot, matematika va kibernetikaning tutashishida hosil bo‘lgan. 2. Iqtisodiyotda modellarning tasnifi Modellashtirish va modellar o‘zining turli sohalardagi tadbiqlariga qarab, moddiy va abstrakt kabi sinflarga bo‘linadi. Moddiy modellar asosan o‘rganilayotgan ob’ekt va jarayonni geometrik, fizik, dinamik yoki funksional tavsiflarini ifodalaydi. Masalan, ob’ktning kichiklashtirilgan maketi (masalan, litsey, kollej, universitet) va turli xil fizik, ximik va boshqa xildagi maketlar bunga misol bo‘la oladi. Bu modellar yordamida turli xil texnologik jarayonlarni optimal boshqarish, ularni joylashtirish va foydalanish yo‘llari o‘rganiladi. Umuman olganda, moddiy modellar tajribaviy xarakterga ega bo‘lib, texnika fanlarida keng qo‘llaniladi. Ammo moddiy modellashtirishdan iqtisodiy maslalarni yechish uchun foydalanishda ma’lum chegaralanishlar mavjud. Masalan, iqtisodiyotni biror sohasini o‘rganish bilan butun iqtisodiy ob’ekt haqida xulosa chiqarib bo‘lmaydi. Ko‘pgina 3 iqtisodiy masalalar uchun esa moddiy modellar yaratish qiyin bo‘ladi va ko‘p xarajat talab etadi. Abstrakt (ideal) modellar inson tafakkurining mahsuli bo‘lib, ular tushunchalar, gipotezalar va turli xil qarashlar tizimidan iborat. Iqtisodiy tadqiqotlarda, boshqarish sohalarida, asosan, abstrakt modellashtirishdan foydalaniladi. Ilmiy bilishda abstrakt modellar ma’lum tillarga asoslangan belgilar majmuidan iborat. O‘z navbatida, belgili abstrakt modellar matematik va logik tillar shaklidagi matematik logik modellarni ifodalaydi. Matematik modellashtirish turli xil tabiatli, ammo bir xil matematik bog‘lanishlarni ifodalaydigan voqea va jarayonlarga asoslangan tadqiqot usulidir. Iqtisodiyotda modellar turli asoslarga ko‘ra tasniflanadi. Modellar iqtisodiyotning turli tomonlari (xususan, uning ishlab chiqarish- texnologik, ijtimoiy, hududiy tuzilmalari)ni va uning alohida qismlarini tadqiq qilish uchun mo‘ljallanishi mumkin. Modellarni tadqiq qilinayotgan iqtisodiy jarayonlar va muammolar mazmuni bo‘yicha tasniflashda butun iqtisodiyot modellari (makroiqtisodiy modellar)ni va uning quyi tizimlari - tarmoqlar, hududlar va hokazolarning modellari, ishlab chiqarish, iste’mol, daromadlarni shakllantirish va taqsimlash, mehnat resurslari, baholarni shakllantirish, moliyaviy aloqalar va shu kabilar modellarining majmualari (mikroiqtisodiy modellar)ni ajratib ko‘rsatish mumkin. Tuzilmaviy modellar ob’ektlarning ichki tuzilishi, tarkibiy qismlari, ichki parametrlarini, ular orasidagi o‘zaro bog‘liqliklarni ifodalaydi. Iqtisodiyot miqyosidagi tadqiqotlarda ko‘proq tuzilmaviy modellar qo‘llaniladi, chunki ular quyi tizimlarning o‘zaro bog‘liqliklari rejalashtirish va boshqarish uchun katta ahamiyatga ega. O‘ziga xos tuzilmaviy modellar sifatida tarmoqlararo aloqalar modellarini olish mumkin. Funksional modellar iqtisodiy boshqarishda keng qo‘llaniladi, bunda ob’ektning holati («chiqish»)ga «kirish»ni o‘zgartirish yo‘li bilan ta’sir ko‘rsatiladi. Iste’molchilarning tovar-pul munosabatlari sharoitidagi xatti-harakatlari modeli bunga misol bo‘la oladi. Aynan bir ob’ekt bir vaqtning o‘zida ham tuzilmaviy, ham 4 funksional model bilan tasvirlanishi mumkin. Masalan, alohida tarmoq tiziminini rejalashtirish uchun tuzilmaviy modeldan foydalaniladi, iqtisodiyot miqyosida esa har bir tarmoq funksional model bilan ifodalanishi mumkin. Determinirlangan modellar model o‘zgaruvchilari orasidagi qat’iy funksional bog‘lanishlar borligini nazarda tutadi. Stoxastik modellar tadqiq qilinayotgan ko‘rsatkichlarga tasodifiy ta’sirlarning borligini e’tiborga oladi hamda ularni tasvirlash uchun ehtimollar nazariyasi va matematik statistikaning vositalaridan foydalanadi. Statik modellarda barcha bog‘lanishlar vaqtning tayinli payti yoki davriga tegishlidir. Dinamik modellar iqtisodiy jarayonlarning vaqt bo‘yicha o‘zgarishini tavsiflaydi. Qaralayotgan vaqt davrining uzunligiga qarab bashoratlash va rejalashtirishning qisqa muddatli (bir yilgacha), o‘rta muddatli (5 yilgacha), uzoq muddatli (10-15 va undan ko‘proq yilgacha) modellari farqlanadi. Iqtisodiy- matematik modellarda vaqtning o‘zi yoki uzluksiz, yoki diskret ravishda o‘zgarishi mumkin. Iqtisodiyot modellari fazoviy omillar va shartlarni o‘z ichiga olishiga qarab fazoviy va nuqtaviy modellar farqlanadi. Shunday qilib, iqtisodiyotda modellarning umumiy tasnifi o‘ndan ortiq asosiy belgilarni o‘z ichiga oladi. Iqtisodiy-matematik tadqiqotlarning rivojlanishi bilan qo‘llanilayotgan modellarni tasniflash muammosi murakkablashib boraveradi. 3. Iqtisodiyotda modellashtirish bosqichlari Modellashtirish jarayonining asosiy bosqichlari turli sohalarda, shu jumladan, iqtisodiyotda ham o‘ziga xos xususiyatlarga ega bo‘ladi. Iqtisodiy-matematik modellashtirish bitta siklining bosqichlari ketma-ketligi va mazmunini tahlil qilaylik. Iqtisodiy muammoning qo‘yilishi va uni sifat jihatdan tahlil qilish. Bu bosqich modellashtiriladigan ob’ektning eng muhim xususiyatlari va xossalarini ajratib, ularni ikkinchi darajalilaridan abstraktsiyalashni; ob’ektning tuzilmasi va uning elementlarini bog‘lovchi asosiy bog‘lanishlarni o‘rganishni; ob’ektning holati va 5