Maktabgacha yoshdagi bolalarning sensor tarbiyasi Reja: 1.Sensor tarbiya mazmuni 2.Sensor tarbiya vazifalari. 3.Dastur asosida bolalarni sezish qobiliyatlarini rivojlantirish. Tayanch tushuncha: Sezgi – bu atrof olamdagi moddiy dunyoni, narsa va hodisalarning inson ongida aks etishi. Ta’limni insonparvarlashuvi va inson qobiliyatlarining ochilishi uni ta’limga nisbatan bo’lgan turli-tuman ehtiyojlarining qondirilishi, milliy va umumbashariy qadriyatlar ustivorligini ta’minlanishi, inson jamiyat va atrof-muhit o’zaro munosabatlarining uyg’unlashuvi Prezident I.A.Karimov «Erkin fuqaro ongli yashaydigan, mustaqil fikrga ega bo’lgan shaxs ma’naviyatini shakllantirish bizning bosh milliy g’oyamiz bo’lishi zarur» deb ta’kidlaydilar. Bu tasavvurlarning xususiyati, ularning aniq ravonligi, to’laligi voqelikni aks ettirishni ta’minlovchi sensor jarayonlarning rivojlanish darajasiga ya’ni, sezgi va idrokning rivojlanganligiga bog’liqdir. Xissiy bilish maktabgacha yoshidagi bolalikda alohida ahamiyatga ega. Fikrlash va nutq etakchi o’rin tutadigan mantiqiy bilish xissiy tajribadan kelib chiqadi. Sensor rivojlanish har qanday amaliy faoliyatni muvaffaqiyatli egallashning sharti hisoblanadi. Tevarak atrofdagi borliqni bilish sezgi va idrokka asoslanadi. Tasavvurning asosini bevosita sezish orqali idrok qilish tashkil etadi. Bunday tasavvurning aniqligi, to’laligi sensor jarayonlarning rivojlanish darajasi bilan belgilanadi. Sensor tarbiya sezgi va idrokni biror maqsadga qaratilgan holda rivojlantirishdir. “Sensor” so’zi lotincha “sensus” – “tuyg’u”, “sezgi”, “idrok”, “sezish qobiliyati” ma’nolarini anglatadi. Borliqni bilish sezgi, idrok qilishdan boshlanadi. Inson ko’rish, sezish va hakozolar yordamida tevarak – atrofdagi narsa va hodisalar to’g’risida bilimga ega bo’ladi, faqat shular asosidagina unda xotira, tafakkur, xayol jarayonlari hosil bo’ladi. Bog’cha va kichik maktab yoshidagi bolalar aqliy bilimining 10,9 qismini sezish orqali idrok etilgan ta’surotlar tashkil etadi. Sezgi va idrok qanchalik boy bo’lsa, insonnining tevarak-atrofdagi olam haqidagi tasavvurlari shunchalik keng bo’ladi. Bolalarning sensor madaniyati, unda sezgi va idrokning rivojlanish darajasi bilish faoliyatining muvaffaqiyati uchun muhim shart-sharoit hisoblanadi. Sensor tarbiya pedagogika fanida bolalarning aqliy, estetik, jismoniy va mehnat tarbiyasining asosi hisoblanadi. Maktabgacha yosh davri sensor jarayonlarni rivojlantirish davridir. Shuning uchun bu davrda sensor tarbiya muhim o’rinni egallaydi. Sensor tarbiya hissiy bilish qobiliyatlarini shakllantirishga, sezgi, idrokni takomillashtirishga qaratilgan pedagogik ta’sir sistemasidir. Mariya Montesori texnologiyasi aynan shu fikrni olg’a suruvchi usullar majmui bo’lib, ma’nan etuk, mustaqil fikrlovchi, intiluvchan shaxsni tarbiyalashda muhim o’rin tutadi. Shifokor-pedagog Mariya Montesori yaratgan maktabgacha tarbiya metodikasi maktab yoshidagi bolalarni tarbiyalash borasidagi barcha tizimlar orasida alohida ajralib turadi. Agar ota-onalar o’z farzandlariga rahmdillik, mehr-muruvvat tuyg’ularini uyg’ota olmas ekanlar, u holda bolalar nafaqat begona odamlarga balki o’z ota-onasiga ham xissiz bo’lib qoladilar. Montesori metodikasi bo’yicha maktabgacha yoshdagi bolalarni sensor tarbiyalashda quyidagi maqsadlar nazarda tutilishi kerak: 1. Barcha tashqi xissiyotlarni shakllantirish. 2. Tashqi hissiyotlarni tarbiyalash orqali xali to’liq shakllanmagan barcha ruhiy jarayonlarni rivojlantirish kerak. Chunki diqqat, intellekt va iroda to’liq rivojlanmagan bo’ladi. 3. Odatiy bir yoqlama madaniy tasavvurdan xalos bo’lish. 4. Nutq apparatlari orqali tilni rivojlantirish, so’z boyliklarini oshirish. 5. Bolalarning ruhiy va jismoniy imkoniyatlariga muvofiq tarzda, o’z-o’ziga xizmat qilishda ehtiyoj va talablarni rivojlantirish. Yuqorida ko’rsatilgan pedagogik maqsadlarga erishish uchun Montesori yaxshi sharoitda bolani tarbiyalash usullarini tavsiya etadi. Uning materiallari ayniqsa aqliy faoliyatni rivojlantirishda muhim ahamiyat kasb etadi. Sensor tarbiyaning vazifasi va mazmuni. Sensor tarbiyaning maqsadi maktabgacha tarbiya yoshdagi bolalarning sensor qobiliyatlarini o’stirishdan iborat. Sensor tarbiya qobiliyatlarni rivojlantirish uchun bolalar buyumning faqat nimaga ishlatilishini, nomigagina bilishi etarli bo’lib qolmay, balki ular buyumlarni chuqurroq idrok etishi, ularni ushlash, ular bilan muomilada bo’lganda xilma-xil sezgilar ishtirok etishi ham juda muhimdir, deb biladi. Tarbiyachi sensor tarbiyaning ana shu tomonlariga alohida e’tibor berishi, bolalrga tegishli topshiriqlar berishi: buyumlarni bir joydan ikkinchi joyga olib qo’yishda ularning og’irligini his qilish, buyumni qo’lga olib, uning sirtini sezishi va sifatini - issiq yoki sovuqligini ana shunga o’xshashlarini aniqlashi kerak. Bolalarning yoshi ulg’ayib, hayot tajribalari ortishi, sharoitlarning o’zgarishi bilan idrok etish jarayoni va unga qo’yidigan talab ham murakkablashadi. Navbatchilar likobchalarning katta-kichikligi, chuqur yoki yuzaligini, piyola va chinni idishlarning og’irligini, sirtining silliqligini, ushlaganda sovuqroqligini, plastmassa buyumlarning engilligini his qiladilar. Stollarni u yoq bu yoqqa siljitish, stullarni joy-joyiga qo’yish boshqa harakat sezgilarini uyg’otadi, fazoviy munosabatlarni, kontur chiziqlar va xakozolarni idrok qilishni talab etadi. Shunga asoslanib, sensor tarbiyaning quyidagi vazifalari belgilanadi: Bolalarda perseptiv harakatlarni shakllantirish. Buyumlarning xususiyati, sifati, munosabti to’g’risidagi umumlashgan tasavvurlar sensor etalonlar sistemasini shaklllantirish. Sensor etalonlar ijtimoiy-tarixiy tajriba jarayonida hosil qilingan namunalardir. Asosiy ranglar, geometrik shakllar, notalarda, ifodalangan musiqali tovushlarning turli balandligi ana shunday etalaonlar jumlasiga kiradi. Agar bola etalonlar va ularning og’zaki ifodalanishi bilan tanish bo’lsa, uning tevarak-atrofni bilishi oson bo’ladi, u o’zi uchragan buyumlarni ma’lum bir etalon bilan taqqoslaydi hamda buyumning rangi, shakli, katta-kichikligi, detallarining fazoviy joylashishini aytib beradi. Perseptiv harakatlardan, etalonlar sistemasidan amaliy faoliyatda va bilish jarayonida mustaqil foydalanish malakasini shakllantirish. Sensor tarbiyaninng mazmuni o’z ichiga tevarak-atrofdagi hamma sensor belgilarni qamrab oladi. Bular bolalarning hamma faoliyatlari orqali amalga oshiriladi va har xil sensor asosga egadir. Maktabgacha ta’lim yoshidagi bola ranglarni farq qilish va ularning nomini aytishga o’rgatiladi, ularda rang tuslari haqida, bo’yoqlarni aralashtirish natijasida yangi rang yoki tuslar paydo bo’lishi to’g’risida tasavvur hosil bo’ladi, shuningdek ular (nutqning tovush tomonlarini, so’zning tovush tuzilishini tahlil qilish qobiliyatini) va musiqa tinglash o’quvini rivojlantirish ham sensor tarbiya mazmuniga kiradi. Sensor tarbiya, shuningdek, taktik sezgilarni, buyumlarning sifatini paypaslab, ko’rib farqlash va ularni to’g’ri aytish (silliq, mayin, dag’al, yumshoq, og’ir, engil, sovuq, issiq va boshqalar) ko’nikmalarni rivojlantirish ham sensor tarbiya vazifalaridan biridir. Bolalar sekin-asta vaqtni tushuna boshlaydilar hamda vaqt tushunchasini o’zlashtirdalar, vaqtning ketma-ketligi va davomliligini angaydilar. Dastlab bolaning “kecha”, “bugun”, “ertaga” tushunchalarinitng nisbiyligini, vaqtning davomliligini (bir daqiqa, besh daqiqa, bir soat) tushunib olishi qiyin bo’ladi. Bunga tajribaning to’planib borishi va biror maqsadga qaratilgan ta’lim natijasida erishiladi. Yuqorida aytilganlarga xulosa qilib, sensor tarbiya bolalarning hamma faoliyatlarida amalga oshiriladi deb aytish mumkin. Sensor tarbiya usuli. Sezgi va idrok biror maqsadga qaratilgan mazmunli faoliyat jarayonida muvaffaqiyatli rivojlanadi. Samarali faoliyat (rasm chizish, loy va plastilindan buyumlar, applikatsiyalar yasash) sezgi va idrokning rivojlanishi uchun qulay sharoit yaratibgina qolmay, balki buyumning shaklini, rangini, joyini bilib olishga ham ehtiyoj paydo qiladi. Biror narsaning rasmini chizishdan oldin bolani buyumlarning rangiga qarab taqqoslashga o’rgatiladi, suratlarni ko’zdan kechirishda esa qanday qilib rang yordamida tasvirning badiiy ifodaliliga erishilishini ko’rish qobiliyati rivojlanadi.