MASAQLI DÁN EGINLERI ZIYANKESLERI HÁM OLARǴA QARSI GÚRES SHARALARI Reje 1. Dán eginleriniń barlıq ósimlikler menen azıqlanatuǵın zıyankesleri. 2. Dán eginleriniń sorıwshı zıyankes jırtqıshları hám olarǵa qarsı gúres sharaları. 3. Ǵálle eginleriniń kemiriwshi zıyankesleri hám olarǵa qarsı gúres. Dán eginleri barlıq ósimilikler menen azıqlanatuǵın nasekomalardan, shegirtke tárizliler, temirshekler, qarsıldawıq qońızlar hám basqa zıyankesler tamanınan zıyanlanadı. Bulardan basqa dán eginleriniń vegetativ hám generativ organların zıyanlawǵa qáliplesken biyday tripsi, dán bitleri, zıyanlı xasva, qırlı bas qandele, shıllıq qońız, p`yavica gessen páshshesi, shved páshshesi, dán sovkası sıyaqlı nasekomalar tamannan hám kóplep zıyanlanadı. Zıyanlı xasva. (Eurygastec integriceps). Dán eginleriniń tiykarǵı zıyankeslerinen esaplanıp, murtshalı qándeleler sem`yasınıń wákili. Denesi keń oval tárizli, jelke bólimi dúmpeshik tárizli, úlkenligi 10-13 mm átirapta, bas bóliminiń uzınlıǵı eninen qısqa, aldıńǵı kókrek shetki qırsı biraz iyilgen, murtshasınıń eki tárepi tuwrı hám tegis. Báhárde qándeleler, qıslaw jaylarında temperatura 170S ǵa kóterilgende olar trilip dán eginlerine ushıp baradı. №andeleler dán eginlerin paqalı tiykarǵı yaki onnan joqarı buwınına jaylasıp aladı hám hár tárepin paqalǵa kirip ósimlik shiresi menen qosımsha azıqlanadı. Málim múddet azıqlanǵan qandeleler, qosılıp urǵashı zatları óz máyeklerin (ádette 200 ge shekem jaqın) dán eginleri japıraqlarına eki qatar qılıp jeti danadan qoyadı. Máyekler 9-16 kún rawajlanıp, keyin lichinkalar shıǵadı. Bular 3-4 kún bir jayda pada bolıp, keyin ósimlikke tarqalıp ketedi. Lichinkalar dáslep paqal hám japıraq shiresi menen keyinshellik dán masaqları shiresi menen azıqlanadı. Lichinkalar ómir dawamında bes mártebe túleydi hám 35-40 kún rawajlanadı aqırǵı márte túlep jetik zatlarǵa aylanǵan qándeleler qıslaw jerlerge ushıp ketedi. Bul nasekoma máwsim dawamında bir buwında rawajlanadı. Gúres sharaları. Agrotexnikalıq sharalar. Jabayı puta hám jabayı shóplerdi joq etiw, dán dalaları átirapındaǵı jabayı shóplerdiń joq etiw (bulardı qandala, máyeklerin qoyıwı múmkin) dánlerin jetiliwine qarap basqıshpa-basqısh orıp alıw, dalada dán qaldıqların uzaq qaldırmastan tez jıynastırıp maydalap alıw. Qırlı bas qándele (Aekia acumineta) - úlkenligi 7-11 mm bolǵan, denesi oval tárizli kúlreń sarǵısh reńde aldıńǵı kókreginde dal ortadan batıqları bar. Bası ótkir úshmúyeshli tárizli, máyekleri jumsaq, anıq emes reńde 0,75 mm úlkenlikte. Lichinkaları qısqa túksheler menen qaplanǵan. Bası qońır hám kókregi toq qońır qarın bólimi sarǵısh kúlreń. Lichinkaları máyekten 1,5-2 hápte shıǵıp bir jasta máyek qoyılǵan ósimliklerde eki jastan baslap qońsı eginlerge tarqalıp ketedi. Lichinkalar 45-60 kún ómir keshiredi. Bir eki jas lichinkalar dán ósimliklerin vegetativ organlarındaǵı shiresin sorıp azıqlansa, úsh-tórt jastaǵıları dán masaqların zıyanlaydı. Taza áwlad pisip jetilisken iyun` ayında qıslaw jerlerine ushıp ketedi. Bazı biri olar taw aldı ortalıqlarında jáne biraz múddet ómir keshiredi. Haplothiips tritici. Biyday tripsi kóbirek lami biydacydı zıyanlap oraylıq Aziya sharayatında keń tarqalǵarn nasekomalar esaplanadı. Úlkenligi 1,47-2,2 mm, denesi uzınshaq, qarınnıń tómengi segmentinde naysha sıyaqlı oralǵan. №anat shekeleri basqa tripslar sıyaqlı túksheler menen oralǵan, olar ensiz hám uzın. Lichinkaları 2 mm ǵa deyin, murtshaları 7 buwınlı, jıltıraq qızıl reńli. Biyday tripsi lichinkaları topıraq arasında keseklerdiń astında qıslap qaladı. Erte báhárde hawa rayı i0S ǵa kóterilgende lichinkalar qıslawdan shıǵıp biyday joqarısına kóteriledi hám sol jerde pisip jetilisiwge aylanadı. Pisip jetilisken tripsler aprel` ayınıń dástlepki kúnleri payda boladı.