Нутқ ўстиришга оид ўйинлар «Почтальон посилка ташийди»  Уйиннинг мақсадu. Болалар нутқини ўстириш.  Қўлланмалар. Пакетга солинган ўйинчоқлар (ўйинда қатнашувчилар сонига қараб).  Ўйиннинг бориши. Ўйинчоқлар юк машинасига тахланади, булар посилкалар ҳисобланади. Почтальон уларни ташийди. У биринчи пакетни логопедга беради. Логопед пакетни очади ва нима олганлигини, (яъни предметнинг номини айтади ва шу предметни таърифлайди, унинг рангини, баъзи ҳолларда эса ҳатто шаклини, у билан қандай ўйнаш кераклигини айтади. Болалар ҳам пакет олганларида олган предметларини логопед гапириб бергандек таърифлаб берадилар. Кўргазмали материаллар, дидактик ўйинлар болалар тафаккурини такомиллаштиради, уларнинг идрокини ўстириб, маълум изга солади. Бунга мисол келтирамиз. «Қўғирчоқ меҳмонга боради» ўйини Ўйиннинг мақсади. Овқатланишда фойдаланадиган предметларнинг номини эсда сақлаб қолиш. Қўлланмалар. Тарелка, стакан ёки пиёла, нон қўядиган идиш, дастурхон, катта патнис ва бошқалар. Ўйиннинг бориши. — Болалар! Келинг меҳмон-меҳмон ўйнаймиз! — дейди логопед. Сўнгра Фаридага Насибанинг қўғирчоғини овқатга таклиф қилишни айтади. Насиба Фариданинг қўғирчоғини меҳмонга таклиф қилади. Болалар меҳмонни кутиб олишга тайёргарлик кўра бошлайдилар. «Столни ясатамиз, - дейди логопед ёки тарбиячи, - Фарида, стулни олиб кел. Бахтиёр, сен эса иккита кресло олиб кел. Қаранглар, болалар, катта патнисда хар хил нарсалар турибди. Буни Мунис ясатибди. Қани, Мунисхон столга қуйиладиган нарсаларнинг номини бирма-бир бизларга айтиб бергин-чи.» Бола нарсаларнинг номини айта бошлайди.  Логопед эса ўйин давомида болаларнинг диққатини тортиш учун: «Қаранглар, болалар, Мунис нарсаларнинг номини тўғри айтяптими? Хато қилмаяптиғми? — деб ўртага савол ташлайди ва ўзи боланинг барча ҳаракатларини синчиклаб кузатиб боради, адашиб қолганда кўмаклашади.  Логопед болалар билан бирга тузатилган столни яна бир марта текшириб кўради. Ҳамма нарса тайёр бўлгандан кейин болалар ўз кўғирчоғи, яъни меҳмонни кутиб оладилар ва уни столга ўтказадилар.  Логопед болалардан тарелка, қошиқчалар, вилка, пичоқ, пиёла ва бошқа нарсалар қаерда туришини бирма-бир сўрайди. Логопед болаларга: қўғирчоқлар овқатланаётган пайтда тарелкадан нималар ейишяпти, қошиқ-вилка билан нима қилинади, пичоқ билан нималар кесилади, пиёлада нималар ичиш мумкин каби сўроқлар орқали уларнинг билимларини янада мустаҳкамлаб боради.  Болалардан 2—3 нафари ўйин охирида ўйинчоқларни ўз жойига йиғиштириб қўядилар.  Мазкур ўйин орқали болаларнинг сўзларни тўғри талаффуз қилишлари, гапларни тўғри туза олишлари текшириб борилади. Болаларнинг оғзаки нутқидаги нуқсонлар ҳисобга олинади.  Оғзаки дидактик ўйинлар болаларга таниш материаллар асосида ўтказилади. Шу боисдан ҳам ана шундай ўйинлар ёрдамида болаларнинг нутқи тез ўсади ва фикрлаш қобилияти активлашади. Аммо шу билан бирга, оғзаки таърифлаш асосида предметларни умумий хусусиятларига кўра, группалаш каби топшириқлар болаларнинг тасаввурларини конкретлаштиради. «Почтальон» уйини  Ўйиннинг мақсади. Болаларга ўқув қуролларини таништириш.  Қўлланмалар. Конверт, сумка, турли хил газета ва журналлар.  Ўйиннинг бориши. Логопед бир болани почтальон қилиб тайинлайди. У газета-журналлар солинган сумка билан синфга киради.  Почтальон Болаларга қарата:  Ким топади? Нима олиб келдим? - дейди.  Болалар ўқув қуролларининг номларини айтадилар.  Йук., топа олмадинглар.  Болалардан бири журнал деб жавоб беради.  Тўғри, яна нималар бор, айтинг-чи?  Газета, хат, – дейишади болалар.  Болаларда предметларнинг маълум белгиларига қараб топширилган шартлар бўйича группалаштириш қобилиятини ўстирадиган ўйинлар. «Бу нима?» ўйини.  Ўйиннинг мақсади. Болаларга буюмларни қайси группага киритишни, уларнинг хусусиятларига қараб бир-биридан фарқлашни ўргатиш.  Ўйиннинг бориши. Болалар доира ҳосил қилиб турадилар. Логопед коптокни гоҳ бир болага, гоҳ иккинчи болага навбат билан ташлаб, бирор сўз айтади. Коптокни қилиб олган бола эса Логопед айтган сўз нимани ифодалашини тез айтиб бериши лозим.  Масалан: – бу уйинчоқ – қўғирчок;  бу уй жиҳози – стол;  кийим — кўйлак;  идиш — стакан ва хоказо.  Болалар ўйин давомида бир оз қийналишлари мумкин, бунда Логопед тушунтириши лозим.  Зийраклик, оғзаки жавобда хозиржавобликни ўстирадиган ўйинлар. «Магазиндан харид қилиш»  Мақсади: Болаларни кишиларга маданий муомала қилишга ўргатиш. Огзаки нутк малакаларини ошириш.  Қўлланмалар. Турли ўйинчоқлар, кийимлар.  Ўйиннинг бориши. Болаларнинг ўйинчоқ виставкаси, ўйинчоклар дўкончаси. Логопед ўйин мазмунига кўра бугун болалар дунёси магазинига боришларини, у ерда чиройли ва қизиқарли ўйинчоклар борлигини, уларни кузатиш, танлаган ўйинчоқларни олишдан олдин сотувчига илтимос билан мурожаат қилишни айтади. Шунингдек, Логопед «марҳамат», «раҳмат» сўзларини эсдан чиқармаслик, аниқ, равон гапириш лозимлигини таъкидлайди. Шунга ўхшаш ўйин турларининг айримларини биз ҳам методик қўлланма тариқасида тавсия этамиз: «Сен буни қачон бажарасан?» ўйини  Ўйиннинг мақсади. Болаларда маданий- гигиеник кўникмаларни мустаҳкамлаш ва уларнинг нутқини ўстириш.  Қўлланмалар. Тиш пастаси, тиш чўткаси, совун, сочиқ, тароқ, ойна, оёқ чўтка, турли мойлар ва бошқалар.  Ўйиннинг боршии. Логопед стол устида турган предметлардан бирини олиб, Болаларга қараб баъзи бир ҳаракатларни бажаради.  Масалан: у қўлини совун билан ювади, тишини чўтка билан тозалайди, оёқ кийимини чўткалайди. Сўнгра болалардан «Сен буни қачон бажарасан?» деб сўрайди.  Болалар ҳар бир ҳаракатдан сўнг бу ҳаракатлар қачон бажарилиши ҳақида гапирадилар. «Расмга қараб айтинг-чи» ўйини  Ўйиннинг мақсади: Болалардаги гигиеник кўникмаларни мустаҳкамлаш ҳамда ran тузиш қобилиятини шакллантириб бориш.  Қўлланмалар. Гигиенага оид предметлар ва ҳаракатлар ака эттирилган расмлар.  Ўйиннинг боршии. Логопед болаларга гигиеник предметлар ва ҳаракатлар акс эттирилган расм - карточкалар кўрсатади. Болалар шу расмлардаги тасвирлар ҳақида гапириб берадилар. Болалар гигиеник предметларга оид қуйидагича:  Тароқ билан соч таралади. Тароқни тоза тутиш лозим. Сочиқни тоза сакланг. Сочиқдан қўл - юзни артиш-да фойдаланамиз каби гапларни тузиши» мумкин. Совун расми кўрсатилса, болалар: совун билан юзимизни ювамиз. Совун юз-қўлни, баданни тоза қилади – деб жавоб берадилар. «Суратни топ» Ўйиннинг мацсади. Болаларни тозалик коидаларига қатъий риоя қилишга ва расмларни тема асосида топа олишга ўргатиш. Қўлланмалар. Фасллар, кийим-бош, идишлар, ўйинчоқлар тасвирланган расм - плакатлар. Ўйиннинг бориши. Тарбиячи катта расм- плакатни доскага илиб қўяди - плакатнинг темаси турлича бўлиши мумкин. Масалан, «Тушлик овкат», «Нонушта» ва ҳоказо. Болалар ёғоч темага мос карточкалар танлаб олиб, номини айтадилар ва шунга оид гап тузадилар. Масалан, турли овкатлар акс этган ёки қўлида сочиқ ушлаган бола акс этган расм. Темага мос карточка суратларни тўғри топа олган Болалар ўйинда очко оладилар. Ўйиннинг II вариантида Болаларга расмлар кўрсатилиб, улар асосида Болаларининг фикрлаши, гап туза олиш қобилияти аниқланади. «Рангларни тўғри топа оласизми?» ўйини  Ўйиннинг мақсади. Болаларни рангларни фарқлашга ўргатиш, предметларнинг рангларига қараб аниқлай олиш. Болалар тасаввурини ўстириш.  Қўлланмалар. Турли рангдаги нарса ва предметлар, ўйинчоқлар, кийимлар.  Ўйиннинг бориши. Тарбиячи болаларга қалам, китоб, доска, шкаф, пол, рўмол, кўйлак, шляпа, қалпоқ, лента, фартук, стол, стул, вешилка каби предметларни бирма-бир кўрсатади. Болалар юқорида айтилганларнинг рангини бирма - бир айтиб берадилар. Рангни айтишда адашган болалар ҳисобга олиб борилади. Рангларни :тўғри айтган •болаларга очко белгиланади. Ўйиннинг II варианти. Болаларга карточкаларда-ги ранглар кўрсатилади. Улар кўрсатилган рангга мос предмет номини қўшиб (қора қалам, қора доска, қора фартук, қора печка каби) айтадилар. «Байроқча» ўйини  Ўйиннинг мақсади. Рангларни тез айта олиш ва мақсадни амалга ошириш.  Қўлланмалар. Ўйинда қатнашаётган ҳар бир бола-га биттадан рангли байроқча тарқатилади.  Ўйиннинг бориши. Логопед ёки тарбиячи болаларга байроқчаларни тарқатгач, уларнинг қўлларидаги байроқчанинг қандай рангда эканлигини айтишларини талаб қилади. Болалар байроқчаларнинг рангига қараб группаларга бўлинадилар. Ҳар бир группа маълум рангдаги байроқча билан белгиланган жойда тўпланади. Кейинчалик жойлар яна Логопед кўрсатмаси асосида алмашинади.  Масалан, кўк байроқча олган болалар карта олдида учрашадилар, яшил байроқчали болалар доска олдига сафланадилар, оқ байроқчалилар эса давра қуриб турадилар. Сўнгра уларга эркин топишга рухсат берилади ва йўл-йўлакай турли топшириқлар бериб борилади. Бундай топшириқлар асосида болаларда рангларни ажрата олиш кўникмаси ҳосил бўлади. «Предметни оғзаки тасвирлаш» ўйини  Ўйиннинг мақсади. Материалларга кўра предметларни группалаб танлаб олиш.  Қўлланмалар. Предметлар, ҳар хил материалдан ясалган ўйинчоқлар (металл, ёғоч, резинка, пластмасаа).  Ўйиннинг бориши. Логопед болаларга ҳар хил предметлардан, ясалган ўйинчоқларни бўлиб беради ва уларнинг қайси материалдан тайёрланганлигини, массасининг оғир-енгиллигини аниқлашни топширади.  Таклиф қилинган Бола болаларга бирор предметни кўрсатади. У кўрсатган предмети кўғирчоқ эканлигини ва у резинадан ясалганлигини айтади. Шунингдек, қошиқнинг ёғочдан ясалганини ёки пичоқнинг металдан тайёрланганини изоҳлайди. Сўнгра турли материалдан ясалган предметлар аралаш ҳолда қўйилади.  Таклиф қилинган Бола предметларни нимадан тайёрланишига қараб ажратади.  Ўйинчоқларни материалга биноан тўғри танлаган Бола ғолиб чиқади. Ўйин охирида ғолиб эълон қилинади. «Топинг-чи» ўйини Ўйиннинг мақсади. Болаларни айрим предметларнинг кўринишини эслаган қолда ёки уларнинг айрим белгиларига кўра топа олишга ўргатиш. Ўйиннинг бориши. Логопед бирор предметнинг расмини кўрсатади ёки айрим белгиларини оғзаки тасвирлайди. Тасвирлаш асосида топишмоқларни айтиш машқ қилинади.  Қат - қатлама,  Ақлинг бўлса ташлама  (Китоб)  Оқ ep очдим,  Қopa буғдой сочдим  (Дафтар)  Пак-пакана бўйи бор,  Етти қават туни бор.  Териб хирмон қилган эдим  Бўлиб кетди тоғ – тоғ гулим  (Пахта) «Чўкадими ёки сўзадими?» ўйини  Ўйиннинг мақсади. Енгил ва оғир предметлар ҳақида тушунча бериш, болаларда зийраклик қобилиятини ривожлантириш.  Қўулланмалар. Турли хил материаллардан ясалган предметлар: ёғоч, металл, пластмассадан ясалган сувли идиш.  Ўйиннинг бориши. Болаларга бир қанча предмет тарқатилади. Ҳар бир болага турли хил топшириқлар берилади.  Предметлар икки группага ажратилиб, уларнинг қайсиси чўкиши ва қайсиси суза олишини аниқлаш топширилади. Болалар предметларни галма-гал сувли идишга солиб кўриб, жавоб айтадилар.  Металлар – оғир , чўкади. Ёғоч қайиқча – енгил, сузади. Шу тарзда ҳар бир Бола ўзини синовдан ўтказади. «Эслаб қол» ўйини Логопед ўйин мақсадини тушунтириб беради, яъни болалар бирон предметнинг бир қанча белгиси ва ҳарактерли хусусиятларини эслаб қолишлари лозимлигини таъкидлайди. Масалан, қуёшнинг иссиқлик тарқатиши, нур сочиши, ёруғлик бериши айтилади. Ҳаво ҳақида: тоза хаво, иссиқ ҳаво, соф ҳаво, илиқ ҳаво, совуқ ҳаво; шамол ҳақида: шамол эсди, илиқ шамол, совуқ шамол, булут ҳақида: булут чиқди, хаво булут, булутли кун каби.  Бу ўйинни ўргатишда бир группа Боласига битта предмет белгиси ҳақида, иккинчисига бошқа предмет белгиси ҳақидаги сўзларни эслаб қолиш тавсия этилади. Қайси группа Болалари сўзларни пухта эслаб қолса, ўша группа ғолиб ҳисобланади. Ўйинни давом эттириб, группалар ўрнини алмаштириш ҳам мумкин. «Дўкон» ўйини  Ўйиннинг мақсади. Болаларни предметни таърифлашга, унинг асосий белгиларини аниқлашга ва шу таъриф бўйича предметни топишга ўргатиш.  Ўйиннинг бориши. Болалар ўйинчоқлар терилган стол ёнига ўтирадилар. Логопед болаларга мурожаат қилади: «Туманимизда янги дўкон очилди. Бир қаранг-а, қанча чиройли ўйинчоқлари бор. Сиз уни харид қилиб олишингиз мумкин. Аммо ўйинчоқни сотиб олиш учун уни таърифлаш керак. Сизнинг таърифингизга биноан сотувчи уни топиб, сизга сотади.  Логопед биринчи бўлиб ўйинчоқни сотиб оладида, ўйин қоидаларини қандай бажаришни кўрсатади: «Ўртоқ сотувчи, мен ўйинчоқ сотиб олмоқчиман. У думалоқ, резинкадан, сакрашни билади, уни болалар севади». Сотувчи олувчига копток узатади. «Раҳмат, жуда чиройли копток экан!» - дейди. Логопед коптокни олиб, стулга ўтиради. Энди сотувчи ўйинга қатнашувчилардан биронтасини ўзи танлаб, унинг номини айтиб чақиради. Номи айтилган бола дўкондан харид қилмоқчи бўлган ўйинчоғини ;таърифлайди: «Менга эса шундай ўйинчоқни сотингки, у момиқгина, малларанг, думи узун ва чиройли бўлсин. Яна шуни ҳам айтиб қуяйки, унинг тумшуғи чузиқ ва кўзлари айёр!» Сотувчи тулки ўйинчоғини олиб беради. Сотиб олувчи миннатдорчилик билдириб, ўрнига ўтиради. Ўйин ҳамма қатнашувчилар ўзларига ўйинчоқлар сотиб олгунларигача давом этади. Ўйин давомида сотувчиликни галма- гал бир неча бола бажариши мумкин. Болалар сотиб олган ўйинчоклари билан алоҳида шуғулланадилар. «Нима ўзгарди?» ўйини  Ўйиннинг мақсади. Болаларда таққослаш, солиштириш қобилиятини шакллантириб бориш.  Ўйиннинг бориши. Логопед болалар билан биргаликда бирор ўйинчоқ ёки қўғирчоқнинг расмини яхшилаб кузатишади. Шу кузатиш асосида қўғирчоқнинг сочи, румоли, кўйлаги, оёқ кийими ва бошқаларнинг рангларини аниқлаб олишади. Кейин болаларга ҳудди шу қўғирчоққа ўхшаган бошқа бир қўғирчоқнинг расми кўрсатилади.  . Лекин унинг ёқаси, сочи, оёқ кийими ёки бошқа бир белгиси бошқачароқ бўлади. Болалар бу қўғирчоқнинг аввалгисидан нима билан фарқланишини айтиб беришлари керак.  Бу уйинга болалар жуда қизиқадилар. Унга ҳатто энг эътиборсиз болалар ҳам фаол қатнашадилар. «Ким тез айта олади?» ўйини  Ўйиннинг мақсади. Предмет ҳақидаги' билимларни мустаҳкамлаш.  Қўлланмалар: Мевалар, сабзавотлар, ўйинчоқлардан: ҳайвонлар, идиш - товоқлар, қўғирчоқнинг кийим-кечаклари; турли хил ўйинчоқ машиналар ва бошқа нарсалар.  Ўйиннинг бориши. Логопед турли расмли карточкаларни столга тўнкариб қўяди.  Логопед қўлига турли расмли карточкаларни олиб, унда нима тасвирлангани, номи ва қаерда ишлаб чиқарилганини айтади. Шундан сўнг Болаларнинг ҳар биридан алоҳида- алоҳида сўрай бошлайди. Бола агар турри жавоб бера олса, ўйинда ғолиб чиқади. Foлиблapгa алоҳида значок топширилиши ҳам мумкин. Агар бола карточкадаги номларни нотўғри тушунтирса ёки айта олмаса расм пастга олиб қуйилади. Маълумки, ўйинда ким расмдаги номларни тўғри топа олса, шу Бола ўйинда фаол қатнаша олади. Шунинг учун бу ўйинни бошлашдек олдин унга болаларни тайёрлаб бориш керак. Ўйиннинг иккинчи варианти.  Ҳар бир ўйин иштирокчиси биттадан карточка олади. Карточкаларда турли нарсалар тасвирланган (сабзавотлар, ўйинчоқлар, идиш-товоқлар).  Ўйин иштирокчиларидан бири ўз қўлидаги карточкани столга қўяди. Кейинги Бола эса ўша Боланинг карточкасига мазмунан яқин бўлган карточкани танлаб қўяди. Масалан, кийим-кечакларга оид карточкани қўйиш дейлик. Ким шу карточкадаги расмни нотўғри қўйса, шу Бола қарздор бўлиб қолади ва ёддан биронта топишмок, шеър ёки ашула айтиб, қарз тўлайди. «Ким тез топа олади?» ўйини.  Ўйиннинг мақсади. Тез фикрлашга ўргатиш.  Ўйиннинг бориши. Ҳар бир ўйинда қатнашувчи ўзига керакли ўйинчоқлар, сабзавотлар, идиш товоқлар ва бошқаларнинг тасвири чизилган карточкаларни, яъни олти турдаги карточкаларни топади.  Ўйин бошловчи хохлаган бир карточкани ўртага ташлайди. Шундан кейин бошқа Бола бошловчи Боланинг ишини давом эттириши мумкин. Масалан, биринчи Бола олган карточкасининг давомини, шу берилган тема асосида топади. Қолган Болалар бошқа группадаги, масалан, сабзавотларга доир карточкаларни олади ва бундай пайтда ўйин иложи борича шу карточкалар асосида давом этади. Кимда ким бу ўйинда адашиб қолса, бошқа группага ўтиб кетади. Агар топа олмаса, қарз тўлайди. «Хона бўйлаб саёҳат» ўйини  Ўйиннинг мақсади. Хонадаги нарса ва предметларнинг номини айтиш, уларни группалашга ўргатиш.  Ўйишинг бориши. Гуруҳ болалари тўрт гуруҳга ажратилади. Ҳар бир гуруҳ Болаларига турли топшириқлар берилади.  1-гуруҳга қоғоздан, 2-гуруҳга пластмассадан, 3-гуруҳга металлдан, 4- гуруҳга ёғочдан ишланган нарсаларни хона ичидан излаб топиш буюрилади.  Ҳар бир гуруҳдаги ўйин иштирокчиси топган нарсасининг номини ва унинг нимадан тайёрланганлигини айтади. Ўйин давомида кимда ким нарсаларнинг номини ва тайёрланишини тез ва батафсил айта олса, шу Бола ғолиб ҳисобланади. Ўйин охирида бошқарувчи ғолиб чиққан гуруҳни эълон қилади. «Биз қандай кийинамиз?» ўйини.  Ўйиннинг мақсади. Болаларнинг кийим- кечаклар ҳақидаги билим, малакаларини аниқлаш ва улардан тўғри фойдаланишга ўргатиш.  Қўлланмалар. Болалар кийимлари ёки шу кийимлар тасвирланган расмлар.  Ўйиннинг бориши. Ҳар бир Бола болалар кийимларининг номларини айта бошлайди. Логопед Боланинг сўзини диққат билан кузатиб боради. Чунки бир Бола айтган номни иккинчи Бола такрорламаслиги лозим. Масалан: майка, кўйлак, қалпок, пайпоқ, қўлқоп ва бошқалар  Ўйинлар тез ва қизиқарли ҳолда олиб борилиши к ерак. «Бу нима?» ўйини  Ўйиннинг мақсади. Болаларнинг предмет ва нарсалар ҳақидаги билимларини бойитиш.  Ўйиннинг бориши. Маълумки, ҳар бир нарса- предметнинг ўзига хос хусусияти бўлгани каби овози ҳам бўлади. Масалан, қоғоз шалдирайди, тахта тақиллайди, қўнғироқ жиринглайди.  Болалар ўйинда иштирок этаётган нарсанинг товуши орқали унинт номини айтишга ўрганадилар. Бунинг учун Логопед айрим нарсаларни болага кўрсатмаган ҳолда унинг овозини чиқаради. Масалан, у стакан, ёки пиёлага кошиқни солиб шакиллатади.  Болалар Логопеднинг ҳаракати орқали предметларнинг номини айтишга одатланиб борадилар.