Ilmiybaza.uz O‘ZBEKISTONNING MUSTAQILLIKKA KIRISHISH DAVRI, ISTIQLOLGA ERISHISHINING SERMASHAQQAT YO‘LI VA TAHLIKALI DAVRI Reja: 1) Istiqlol arafasi va O‘zbekiston mustaqillikka erishish yo‘liga o‘tishi. 2) Demokratik davlat qurishning turli nazariyalari va modellari. O‘zbekistonda demokratik taraqqiyot yo‘lini tanlashda jahon tajribasining chuqur o‘rganilishi 3) Mamlakatni isloh etish strategiyasi asoslarini ishlab chiqish, milliy davlatchilik va barqaror taraqqiyot poydevorini barpo etish yo‘lidagi dastlabki qadamlar. Ilmiybaza.uz Bashariyat tarixi shundan dalolat beradiki, har bir xalq faqat erkin va ozod bo‘lgan taqdirdagina, o‘z hayoti va kelajagini mustaqil barpo etish huquqiga ega bo‘ladi. “Haq berilmas, haq olinur!” deb millat ozodligi yo‘lida jonini fido qilgan ulug‘ ajdodlarimizning buyuk maqsadi ham shu edi. Xalqimizning beqiyos jasorati va matonati bilan Birinchi Prezidentimiz muhtaram Islom Abdug‘anievich Karimov boshchiligida qo‘lga kiritilgan davlat mustaqilligi ana shu asriy orzumizni amalda ta’minlagan olamshumul voqeadir. Biz qanday tahlikali va suronli davrlarni boshimizdan kechirmaylik, qanday yutuq va natijalarga erishgan bo‘lmaylik, mustaqillik g‘oyasi, istiqlol ruhi bizga doimo tog‘dek tayanch bo‘lmoqda. Hap qanday davlat bopki, yukcak dapajadagi taraqqiyotga epishish, pivojlangan davlatlap qatorida mynocib o‘pinga ega bo‘lish, o‘z fuqarolapi ychyn fapovon typmysh tapzini yapatish maqsadida myayyan islohotlapni amalga oshipadi. Davlatning eng muhim funksiyalaridan biri ham aynan islohotchilik funksiyasidir. Islohotlap mazmyn-mohiyatiga ko‘pa bir qancha turlapga bo‘linadi. Ulap jymlaciga iqtisodiy, ijtimoiy, ciyociy, ma’naviy, madaniy va h.q cohalapdagi islohotlapni kipitish mymkin. Vatanimizning mustaqillik yillarida bosib o‘tgan murakkab yo‘liga yana bir bor nazar tashlash, shu yillar ichida amalga oshirilgan ishlar, ulkan yutuqlarga erishishda qanday murakkab jarayonlardan o‘tilganligi haqidagi ma’lumotlarni aholiga, jumladan yoshlarga yetkazish nihoyatda muhimdir. Bu borada sobiq ittifoq parokandalikka yuz tutganda O‘zbekistonda yuzaga kelgan iqtisodiy, ijtimoiy va siyosiy vaziyatni eslash maqsadga muvofiqdir Sovetlar davrida Respublikaning ortda qolib ketishiga asosiy sabablardan biri uning xom ashyo yetkazib beruvchi o‘lkaga aylanib qolganligi va paxta yakka hokimligidir.1930 yillardan boshlab sho‘rolar paxta mustaqilligiga erishish maqsadida O‘zbekistonni paxtaga ixtisoslashtirish siyosati natijasida respublika iqtisodiyoti biryoqlama rivojlanib, Ittifoqning xom ashyo bazasiga aylanib qoldi. Natijada O‘zbekiston eng oddiy sanoat mahsulotlariga bo‘lgan o‘z ehtiyojining Ilmiybaza.uz yarmini ham qondirishga qodir emas. Bir qancha viloyat va rayonlarda ekin maydonlari nisbatida paxtazorlar 75-80 foizni tashkil qildi 1980 yillarda O‘zbekiston Ittifoqda yetishtiriladigan paxtaning 70 foizini tayyorlashiga qaramasdan,etishtirilgan jami paxta tolasining atigi 7 foizi o‘zimizda qayta ishlanar edi. Bu ko‘rsatkich bugungi kunda 44 foizni tashkil etmoqda. Paxta yetishtirishda mehnatning 84 foizi O‘zbekiston zimmasiga tushgan, uni dastlabki qayta ishlashdan tushadigan daromadning atigi 16 foizi respublikaga tekkan. Mustaqillikka qadar sanoatda tayyor mahsulotning ulushi bor-yo‘g‘i 50 foizni tashkil etardi, qishloq xo‘jaligi mahsulotining 80 foizdan ko‘prog‘i mutlaqo qayta ishlanmasdan respublika tashqarisiga chiqarilgan. Respublikadan olib ketilayotgan mahsulotning uchdan ikki qismi xom ashyo, materiallar va chala tayyor mahsulotlar bo‘lib, Respublikaga keltirilayotgan tovarlarning 60 foizi esa mashinalar, asbob- uskunalar, yengil sanoat va oziq-ovqat sanoati mahsulotlaridir. O‘zbekiston g‘alla va un mahsulotlariga bo‘lgan ichki ehtiyojning 80 foizdan ortig‘i chetdan keltirilgan mahsulotlar hisobidan qoplanar edi. Mustaqillikning dastlabki yillarida respublikamizda xalq iste’moli mollarining 60-70 foizi chetdan olib kelinar edi. O‘sha yillari mamlakat importi tarkibida oziq-ovqat mahsulotlarining ulushi 73,8 foizni tashkil etar edi. Respublika barcha asosiy iqtisodiy va ijtimoiy ko‘rsatkichlar bo‘yicha Ittifoqdagi o‘rtacha darajadan ham ancha orqada bo‘lib, mamlakatda oxirgi o‘rinlardan birida edi. O‘zbekiston kishi boshiga yalpi ijtimoiy mahsulot ishlab chiqarish bo‘yicha mamlakatda 12-o‘rinda, aholi jon boshiga milliy daromad ishlab chiqarish bo‘yicha esa ko‘rsatkich Ittifoqdagi o‘rtacha darajadan ikki hissa past edi. O‘zbekiston aholisi o‘rta hisobda go‘sht mahsulotlarini, sut va sut mahsulotlarini, tuxumni, mamlakat aholisiga nisbatan ikki barobar kam iste’mol qilgan. Masalan, O‘zbekistonda go‘sht iste’mol qilish har bir odamga o‘rtacha 29 kilogrammdan to‘g‘ri kelsa, bu ko‘rsatkich RSFSR da 71 kg ni, Ukrainada 67 kg ni, qo‘shni Qozog‘istonda 63 kg ni tashkil etgan. Ilmiybaza.uz O‘zbekiston bolalar o‘limi bo‘yicha Ittifoqda birinchi o‘rinda turgan.Bu yerda 1980 yillarda har ming boladan 31 tasi bir yoshga yetmasdan nobud bo‘lgan, bu ko‘rsatkich Ukrainada 17 tani, Belorussiyada 18 tani, Litvada 19 tani, Latviya va Estoniyada 17 tani tashkil etgan. 1990 yilda davlat byudjeti harajatlarining atigi 31 foizi ijtimoiy sohalarni moliyalashtirishga yo‘naltirilgan. 1992 yilda madaniy-ijtimoiy tadbirlar uchun davlat byudjetining 35,43 foizi sarflangan, bu raqam 1993 yilda 37,79 foiz, 1994 yilda 43,03 foiz, 1995 yilda 45,29 foizni, 2008 yilda esa 50 foizdan oshiqni tashkil etgan. 2016 yil byudjetida ijtimoiy sohaga qariyb 60 foiz mablag‘lar yo‘naltirildi. Uning 34 foizi ta’lim, 15 foizi sog‘liqni saqlash sohasiga yo‘naltirilgan. Shuni ham nazarda tutish zarurki, Mustaqillikka erishgan paytda yurtimizda o‘ta qaltis ijtimoiy vaziyat vujudga kelgan edi. Aholining o‘sish sur’atlari o‘rtacha sobiq ittifoq ko‘rsatkichdan 3 barobar yuqori edi. Buning ustiga, mehnat resurslari aholining o‘rtacha o‘sish ko‘rsatkichidan 2 barobar tez o‘sayotgandi. Oxir-oqibatda ishsizlik darajasi ortib, aholi daromadlari keskin tushib bormokda edi. Mustaqillikning dastlabki yillarida Respublikadagi aholining sotsial ahvoli, ularni sotsial ta’minoti va ijtimoiy himoya qilish mutlaqo qoniqarsiz edi. Sog‘liqni saqlash, xalq ta’limi, maktabgacha bolalar muassasalari juda og‘ir ahvolga tushib qolgan, maktab va kasalxonalarning 60 foizi nobop binolarda joylashtirilgan, Respublikada 1700 ta maktab vayron holda, qurilayotgan maktablar soni esa aholining ko‘payish sur’atini arang qondirardi. Sog‘liqni saqlash ishlari bo‘yicha mamlakat eng oxirgi pog‘onalardan birida edi. Masalaning yana bir muhim jihati shundan iborat ediki, Sobiq Ittifoq davrida ma’lum qadriyatlarga ega bo‘lgan kishilarning muayyan ijtimoiy ongi shakllanganligini ham e’tiborga olmaslik mumkin emas edi.Sobiq Ittifoq davrida xususiy mulkni yo‘qotish g‘oyasi amaliyotga tatbiq etildi. 80-yillarning o‘rtalarida turli olomonchilik mitinglari, ba’zi norasmiy tashkilotlarning bosh ko‘tarishi oqibatida uzoq totalitar davrda to‘planib qolgan muammolar “qayta qurish” davrida paydo bo‘lgan muammolar bilan qo‘shilib, ijtimoiy-siyosiy bo‘xronlarning alomatlari ochiqdan-ochiq ko‘rina boshladi.1989- Ilmiybaza.uz 1990 yillarda Farg‘ona viloyati, Parkent tumanida va Andijon shahrida millatlararo mojorolar va to‘qnashuvlar bo‘lib o‘tdi. Bo‘lib o‘tgan mojorolar va to‘qnashuvlar sabablari yillar davomida ichida to‘planib qolgan ijtimoiy muammolar, iqtisodiy tushkunlik, ma’naviy beqarorlik, shuningdek, uzoq yillar yakka hokimlik bir mafkura ostida,qullik ruhiyati ostida yashagan odamlarning olomonchilik harakati bilan o‘zining his-tuyg‘ularini qondirishga intilishi kabi omillar edi. O‘zbekistonda ro‘y bergan voqealar 1989- 1990yillar davomida Ittifoqdagi barcha markaziy nashrlar-jurnallar va gazetalarda bosildi. Televedinie va radioda maxsus ko‘rsatuv va eshittirishlar berildi. Ularning barchasi bir g‘oyani ilgari surar edi:O‘zbekistonda chuqur inqirozlar boshlangan; xalqning kayfiyati tushib ketgan; respublikada korrupsiya avjiga chiqqan; rusiyzabon xalq O‘zbekistonni tashlab chiqib ketmoqda; millatchilik va millatlararo ziddiyatlar kuchaygan; markazning yordamisiz bu yerdagi muammolarni hal etish mumkin emas va hakazo. Albatta, bunday xatti-harakatlarning maqsadi aniq edi. O‘z mustaqilligiga intilayotgan O‘zbekistonni yo‘ldan qaytarish. 1990 yil 20 iyunda bo‘lib o‘tgan O‘zbekiston Oliy Kengashining ikkinchi sessiyasi bir ovozdan “Mustaqillik Deklaratsiyasi”ni qabul qildi. Boshqacha aytganda, respublika qonunlari Ittifoq qonunlaridan ustuvorligi tamoyili qaror topdi. E’tiborli tomoni shundaki, O‘zbekistondagi ana shu tarixiy voqealardan keyingina, ya’ni 1990 yilning oxiriga kelib Litva, Latviya, Estoniya, Gruziya, Ozarbayjon respublikalari Ittifoq tarkibidan chiqib ketishga doir huquqiy hujjatlarni qabul qildilar. 1991 yilning 31 avgustida chiqarilgan O‘zbekiston Oliy Kengashining sessiyasida deputatlar bir ovozdan Prezident ilgari surgan mustaqillik g‘oyalarini qo‘llab-quvvatladilar. Natijada, sessiyada O‘zbekiston Respublikasining Davlat mustaqilligi to‘g‘risidagi Qonun qabul qilindi. Qonunda 1 sentabr O‘zbekiston Respublikasining Mustaqillik kuni deb belgilandi. 1991-yil 31-avgustda o‘z davlat mustaqilligini e’lon qilgan O‘zbekiston oldingi totalitar jamiyat — sotsialistik jamiyatdan demokratik jamiyatga o‘tish yo‘lini tutdi. Shu bilan biiga, Prezident I.A.Karimov mamlakatda fuqarolik jamiyati va huquqiy davlat qurishni asosiy strategik pirovard maqsad sifatida e’lon qilishi bilan jamiyat Ilmiybaza.uz butunlay yangi rivojlanish yo‘liga kirdi. «Kuchli davlatdan — kuchli fuqarolik jamiyati sari» tamoyili asosida «o‘zbek modeli»ga muvofiq ro‘y bergan bu o‘zgarishlarning nazariy va arnaliy jihatlari haqida bilimlar berish, biz qurayotgan fuqarolik jamiyatining nazariy jihatlarini yoshlarga yetkazish O‘zbekistonda demokratik jamiyat qurish nazariyasi va amaliyoti fanining yana bir predmetini tashkil etadi. Mamlakat iqtisodiyotida ham tub o‘zgarishlar amalga oshirildi. Ko‘p ukladli iqtisodiyotga o‘tildi. Tarixda birinchi marta xususiy mulkchilik qonunlashtirildi. Jamiyatning iqtisodiy asosi bo‘lgan — kichik va o‘rta biznesni rivojlantirish davlat siyosati darajasiga ko‘tarildi. O‘rta mulkdorlar ijtimoiy qatlamining shakllanishi uchun barcha huquqiy va ijtimoiy asoslar yaratildi. Mamlakatda tezlik bilan bozor iqtisodiyoti munosabatlari, uning zamonaviy infratuzilmasi shakllana boshladi. o‘tish davri qiyinchiliklarini bartaraf etish maqsadida davlatning kuchli ijtimoiy siyosat olib borishi belgilandi. «Demokratiya», ya’ni «xalq hokimiyati» atamasi muhim masalalarni yechishda barcha aholining bevosita ovoz berishi bilan hal qilingan qadimgi Afinaning o‘zini o‘zi boshqaruv tizimi nomidan kelib chiqdi. Hozirgi davrda liberalizm, konservatizm, sotsializm, millatchilik, fashizm, anarxizm kabi harbir mafkuraviy oqimlaro‘z demokratik konsepsiyalarini «haqiqiy» demokratizm deb e’lon qilmoqdalar. Demokratiya maqsad sifatida individ mustaqilligi va uning umumiy manfaatlari ustunligini ta’minlaydi. U vosita sifatida esa nizolarni bartaraf etish, zo‘ravonlikka chek qo‘yish, turli ijtimoiy guruhlarga siyosiy ta’sir qilish yo‘li bilan ularning murosaga kelishini, konsensusini ta’minlaydi. Demokratik jamiyat amal qilishi zarur bo‘lgan qonuniyatlar sifatida demokratiyaning qator ustunlari qabul qilindi. Ular quyidagilardan iboratdir: Xalq hokimiyati; Fuqarolar roziligiga tayanuvchi hukumat; Ko‘pchilikning ovozi qoidasi; Ozchilik huquqlarini himoya etish; Asosiy inson huquqlari kafolati; Ilmiybaza.uz Erkin va adolatli saylovlar; Qonun oldida barchaning tengligi; Odil sud yuritish; Hukumat faoliyatining konstitutsiyaviy cheklanganligi; Ijtimoiy, iqtisodiy va siyosiy pluralizm; Tolerantlik, omilkorlik, hamkorlik, o‘zaro kelishuv O‘zbekistonda demokratik fuqarolik jamiyati qurishda ikki muhim jihatga e’tibor qaratdi: 1. rivojlangan mamlakatlarda tarixiy sinovlardan o‘tgan fuqarolik jamiyati qurish tajribasi va jahonda e’tirof etilgan demokratik tamoyillar; 2. milliy tariximizda shakllangan, milliy-madaniy merosimizga mansub bo‘lgan, o‘zida milliy xususiyatlami ifodalagan demokratik qadriyatlar. Bu har ikkala tajriba bir-biri bilan o‘zaro uyg‘unlashishga moyil bo‘lib, mamlakatda demokratikjamiyat qurishda mazkur har ikkala tajribaga amal qilinadi. Mazkur tajribalami e’tirof etmaslik bir tomondan, islohotlarni umuminsoniy qadriyatlarga, ikkinchi tomondan, milliy qadriyatlarga zid kelishiga olib kelishi tabiiy bir holdir. Shuningdek, bu kabi holat nodemokratik rejimlaming kirib kelishiga, yoki milliy manfaatlarga yot bo‘lgan tuzumning yana bosh ko‘tarishiga sabab bo‘lishi, mamlakatda fuqarolik jamiyati va huquqiy davlat qurish strategiyasiga zid kelishi mumkin. Mustaqillik davrida mamlakatda fuqarolik jamiyati va huquqiy davlatga xos bo‘lgan yangi demokratik institutlar shakllandi. Hozirgi davrda ular yanada demokratlashish va takomillashish jarayonini o‘z boshidan kechirmoqda. Xususan, mustaqillik davrida quyidagi siyosiy va ijtimoiy institutlar shakllandi: - ko‘ppartiyaviylik asosida shakllanadigan ikki palatali parlament; - xalq irodasi va parlamentdagi ko‘pchilik irodasi asosida shakllanadigan hamda faoliyat yuritadigan ijroiya hokimiyat; - jamiyatdagi turli ijtimoiy qatlamlar manfaatlari asosida faoliyat yuritishga qodir bo‘lgan ko‘ppartiyaviylik tizimi; Ilmiybaza.uz - qonun chiqaruvchi, ijroiya va sud hokimiyatlarini demokratik prinsiplar asosida ucliga bo‘linishi va ulaming bir-birlaridan o‘zaro mas’uliyat asosida faoliyat yuritish tajribasi; - jamiyat instituti sifatida nodavlat notijorat tashkilotlar; - demokratik prinsiplar asosida faoliyat yuritadigan o‘zini o‘zi boshqarish organlari; - o‘zida pluralistik qarashlarni ifodalovchi mustaqil ommaviy axborot vositalari tizimi; - hokimiyat organlari ustidan jamoatchilik nazorati olib borishning huquqiy asoslari va bu sohadagi dastlabki tajribalar; - yangi fuqarolik jamiyatining iqtisodiy asoslari — xususiy mulkchilik va tadbirkorlik korxonalari, fermerlik xo‘jaliklari. Hozirda 5 ta siyosiy partiya, o‘n mingga yaqin o‘zini o‘zi boshqarish organlari (ulardan 8200 ga yaqini mahallalar) faoliyat yuritmoqda. O‘zbekistonda fuqarolik jamiyati va huquqiy davlat qurish asosiy strategik pirovard maqsad, deb e’lon qilingan. Albatta, huquqiy davlat asoslarini shakllantirmasdan turib fuqarolik jamiyatini qurib bo‘lmaydi. Chunki, huquqiy davlat fuqarolik jamiyatisiz, aksincha, fuqarolik jamiyati huquqiy davlatsiz yashay olmaydi. Shuning uchun ham huquqiy davlat va uning mazmun- mohiyatini o‘rganish demokratik jamiyat qurish vazifasi bilan uzviy ravishda bogiiqdir. Huquqiy davlat konstitutsion davlatchilikning real amalga oshishidir. Uning asosida insonni davlat terrori, uning e’tiqodi ustidan kuch ishlatishi, hokimiyat organlari tomonidan mayda homiylik qilishidan himoya qilishga intilish yotadi. Huquqiy davlat suveren xalq irodasiga bo‘ysunuvchi, insonning erkinligi va boshqa huquqlarini himoya qiluvchi, o‘z faoliyatini qonunlar bilan cheklovchi davlatdir. Bunday davlatda shaxs bilan hokimiyat o‘rtasidagi munosabatlar konstitutsiyada belgilab qo‘yiladi, shuningdek, xalq bilan hokimiyat o‘rtasidagi munosabatlar «ijtimoiy bitimlar» asosida ro‘y beradi. Turli mamlakatlarda huquqiy davlatlarning paydo bo‘lishi va rivojlanishi tajribasi e’tiborga olinsa, bunday davlatning quyidagi belgilarga ega ekanligini Ilmiybaza.uz kuzatish mumkin: 1. Rivojlangan fuqarolik jamiyatining mavjudligi. 2. Shaxsning erkinligi 3. Barcha fuqarolaming huquqiy tengligi, qonunlardan inson huquqlarining ustivorligi. 4. Huquqning umumiyligi, uning barcha fuqarolar, tashkilotlar, muassasalar, jumladan davlat hokimiyati uchun ham teng taalluqli bo‘lishi. 5. Xalq suvereniteti, davlat suverenitetining konstitutsion — hu- quqiy jihatlardan muvofiqlashtirilishi. Xalqning amalda hokimiyat manbayi bolishi, davlat suverenitetining vakolatli xarakter kasb etishi. 6. Qonun chiqaruvchi, ijroiya va sud hokimiyatlarining bo‘linishi.birligi. 7. Davlatning fuqarolik munosabatlarini muvofiqlashtirishda ta’qiqlash usulining chegaradan chiqish usuliga nisbatan ustuvorligi. Buning ma’nosi shuki, huquqiy davlatda «Qonun bilan ta’qiqlanmagan barcha narsalarga ruxsat etiladi» prinsipiga amal qilinadi. Bunda chegaradan chiqish usuli faqat davlatga nisbatan qo‘llanilib, davlat faqat rasmiy qabul qilingan vakolatlar doirasidan chetga chiqmasligi lozim. 8. Individ erkinligini cheklash faqat barcha kishilar erkinligi va huquqlarini himoya qilish bilan bog‘liq bo‘lishi mumkin. Huquqiy davlat shaxsning mutlaq erkinligini bildirmaydi. Har bir shaxsning erkinligi boshqa kishining erkinligiga zid kela boshlasa, xuddi shu yerda uning erkinligi chegarasi tugaydi. Hozirgi davrda O‘zbekistonda huquqiy davlat va fuqarolik jamiyati barpo etishning konstitutsion va qonuniy asoslari yaratildi. Demokratik tipdagi milliy davlatchilik shakllandi. Fuqarolik jamiyatining belgisi sifatida ko‘p partiyaviylik, o‘zini o‘zi boshqarish organlari va nodavlat tashkilotlar tizimi shakllandi. Shu bilan biiga, huquqiy davlat — bu dunyoviy davlat hamdir. Chunki, bu kabi davlatda turli dinlar bilan bir qatorda turli maf- kuralar va g‘oyalar ham jamiyatni rivojlantirish va uning barqarorligini ta’minlash omili sifatida erkin yashaydi. Jamiyatda biron bir din yoki mafkuraning ustun yoki ustuvor bo‘lishiga yo‘l qo‘yilmaydi. Shuning uchun ham O‘zbekiston Respublikasi Ilmiybaza.uz Konstitutsiyasining 12-moddasida quyidagi prinsip o‘z ifodasini topgan: «O‘zbekiston Respublikasida ijtimoiy hayot siyosiy institutlar, mafkuralar va fikrlarning xilma-xilligi asosida rivoj- lanadi. Hech qaysi mafkura davlat mafkurasi sifatida o‘rnatilishi mumkin emas». Shuningdek, O‘zbekiston Respublikasi Konstitutsiyasining 61-moddasida «Diniy tashkilotlar va birlashmalar davlatdan ajratilgan hamda qonun oldida tengdirlar. Davlat diniy birlashmalarning faoliyatiga aralashmaydi», degan qoidaning kiritilishi O‘zbekiston Respublikasining dunyoviy davlat ekanligini anglatadi. Demokratik jamiyat qurishning jahon tajribasi Demokratik jamiyat qurishning nazariyasi va amaliyoti hozirgi kunda ko‘pchilikning e’tiborini o‘ziga jalb etayotgan siyosiy jarayondir. Buni jahonning ko‘pgina mamlakatlarida avtoritar tuzumlarning ag‘darilgani va ularda demokratik institutlarni barpo etish borasida olib borilayotgan hatti-harakatlarda ham ko‘rish mumkin. Amerikalik taniqli olim S. Xantington S. Xantington bu jarayonga mamlakatlarning katta guruhini qamrab olgan demokratlashtirishning uchinchi to‘lqini deb ta’rif beradi. U bu jarayonni jahon demokratik inqilobi deb ta’riflaydi, XX asrning 90-yillari boshiga kelib demokratiya «har qanday avtoritar tuzumning yagona qonuniy va yashovchan muqobili» deb baholanishini qayd etadi. Demokratlashtirishning “birinchi to‘lqini”. 1828—1926 yillar. “Birinchi to‘lqinning” ildizlari amerika va fransuz revolyusiyalariga borib taqaladi. Demokratlashtirishning ravnaq topishi ketidan, odatda inqiroz keladi. Birinchi inqiroz (orqaga qaytish) 1922–1942 yillarda qayd etildi. Demokratlashtirishning “ikkinchi to‘lqin”i natsional-sotsializm ustidan erishilgan g‘alaba, avvalambor, GDR, Italiya, Yaponiyada demokratiya o‘rnalitishi bilan boshlandi. Bu to‘lqin XX asrning 60-yillar o‘rtalarigacha davom etdi (1943–1962 yillar). Ikkinchi inqiroz (orqaga qaytish) 1958–1975 yillar oralig‘ida sodir bo‘ldi. 1974 yil, ya’ni Salazar (Portugaliya diktatori) diktaturasi ag‘darilgan paytda demokratlashtirishning uchinchi bosqichi boshlandi. U janubiy Yevropaning Ispaniya va Gresiya Ilmiybaza.uz mamlakatlarida yuz berdi, so‘ng Lotin Amerikasiga tarqaldi. XX asrning 80-yillar o‘rtalariga kelib demokratlashtirish Osiyo, Markaziy va Sharqiy Yevropaning bir qator mamlakatlariga, so‘ng esa SSSRga tarqaldi. Demokratlashtirishning “uchinchi to‘lqini”ni boshidan kechirayotgan mamlakatlarning siyosiy rivojlanish tajribasi mazkur jarayonning qanchalik murakkab va ziddiyatli tomonlari mavjud ekanligini ko‘rsatib berdi. Taraqqiyot yo‘lining turli modellari XX asming 2- yarmidan boshlangan chuqur iqtisodiy- ijtimoiy va siyosiy o‘zgarishlar natijasida rivojlanishning zamonaviy modellari shakllana boshladi. «Model» tushunchasining talqinlari turlicha, Ba’zi olimlar modelni «davlat tuzumi» desa, boshqalari «ijtimoiy-iqtisodiy formatsiya» deb talqin etadi. Yana ba’zilari esa uni «ijtimoiy- iqtisodiy rivojlanish yo‘li shaklining chizgilari (ko‘rinishi)», deb talqin etadi. Ba’zi o‘zbek olimlarining fikricha, model — «iqtisodiy bazisning asosi bo‘lgan huquqiy, ma’muriy, xo‘jalik (bank, kredit, soliq va boshqa) mexanizmlar yordamida muvofiqlashadigan o‘zaro iqtisodiy munosabatlaming keng koiamli tizimidir»61. Shuningdek, model ko‘pincha «rivojlanish modeli» yoki «iqtisodiy rivojlanish modeli» tushunchasi sifatida ilmiy muomalaga kira boshladi. Keyingi o‘n yilliklarda bozor, buyruqbozlik va aralash modellami bir-biridan ajratib ko‘rsatish rusumga kirdi. Aksariyat mamlakatlar intilayotgan model — bu bozor iqtisodiyoti modelidir. Bozor iqtisodiyotining asosiy prinsiplari quyidagilardan iboratdir: xo‘jalik faoliyatining erkinligi; bozor subektlarining teng huquqli bo‘lishi; iqtisodiy mas’uliyat va tadbirkorlar tavakkal qilishga moyilligi; iqtisodiy raqobat; mollarga baho belgilash erkinligi; moliyaviy ko‘rsatkichlaming yetakchilik roli; bozoming barchaga taalluqli bo‘lishi; bozoming ochiqligi; davlat tomonidan muvofiqlashuvi; aholini ijtimoiy himoyalash. Iqtisodiy jihatdan zaif mamlakatlarda an ‘anaviy iqtisodiy tizimga amal qilinadi. Iqtisodiy tizimning bu xili uchun qoloq texnologiya, qo‘l mehnatining keng tarqalishi, ko‘p ukladli iqtisodiyotning mavjudligi xosdir. Ma’muriy-buyruqbozlik (markazlashgan-rejali) tizim ilgari SSSR, Sharqiy Ilmiybaza.uz Yevropa mamlakatlari, XXR, Kuba, Vetnam, KXDR kabi mamlakatlarda hukmronlik qilgan edi63. Xo‘jalik yuritishning bozor tizimi iqtisodiy rivojlanishning turli modelining shakllanishini taqozo etdi. Ulaming ichida rivojla- nishning amerikacha, yapon, nemis, shved, fransuz va janubiy Koreya modellari o‘zining samarali va rivojlanuvchanligi bilan ajralib turadi. Amerikacha model aholining faol qismini boyishiga, tadbirkorlik faolligini har tomonlama rag‘batlantirish tizimi asosiga qurilgan. Aholining kam ta’minlangan gumhlari uchun turli imtiyozlar va ko‘mak berish hisobidan maqbul hayot darajasi yaratiladi. Bu modelda ijtimoiy tenglik masalasi qo‘yilmaydi. Bu model yuqori mehnat unumdorligiga va shaxsiy muvafaqqiyat qozonishga asoslanadi. Umuman amerikacha modelga iqtisodiy muvozanat va barqaror vaziyatni qo‘llab-quvvatlashga qaratilgan davlat ta’sirini qo‘llash xarakterli jihatdir. Amerika modeli uchun quyidagilar xarakteriidir: - davlat mulki ulushining kamligi va davlatning muvofiqlashtirish rolining kamligi; - tadbirkorlikning har tomonlama rag‘batlantirilishi (80 % yangi ish o‘rinlari kichik biznes hisobiga ochiladi); - aholining boy va kambag‘allarga keskin tabaqalashuvi; - aholining kam ta’minlangan guruhlari uchun maqbul hayot darajasining mavjudligi; - fuqarolarning mulkiy va ijtimoiy jihatlardan o‘zaro notengligini qisqartirishning oldindan ko‘zlanmasligi. Yapon modeli uchun mehnat unumdorligining o‘sishiga nisbatan aholining hayot darajasini (jumladan, ish haqi darajasi ham) orqada qolishi xarakterli jihatdir. Ana shu hisobdan mahsulot tannarxini pasaytirishga erishiladi, bu mahsulotlaming jahon bozoridagi raqobatbardoshligi oshib boradi. Bu kabi model milliy o‘zini o‘zi anglashning yuqori darajasiga erishish, ayrim olingan inson manfaatlaridan millat manfaatlarini ustuvorligini ta’minlash, aholini mamlakatni Ilmiybaza.uz gullab-yashnashi uchun fidoyilik qilish salohiyatini rivojlanishi natijasi asosidagina yashay oladi. Yapon modelining yana bir xususiyati iqtisodiyotni modemizatsiyalash jarayonida (ayniqsa, uning boshlang‘ich davrida) davlatning faol roli bilan izohlanadi. Yapon modeli uchun xos jihatlar: - iqtisodiyotning asosiy sohalariga davlat ta’sirining yuqoriligi; - iqtisodiyotning rivojlantirilishni oldindan belgilanishi; - firma rahbarlari bilan xizmatchilaming ish haqlari darajalari farqlarining kamligi; - modelning ijtimoiy yo‘naltirilganligi. GFR ijtimoiy bozor xojaligi. Bu model fashistlar davridagi konsernlarni tugatish, barcha turdagi xo‘jalik yuritish shakllariga (yirik, o‘rta, mayda) barqaror rivojlanish imkoniyatlarini yaratish asosida shakllandi. Shu bilan birga, mittelshtand deb ataluvchi, ya’ni mayda va o‘rta korxonalar, fermerlik xo‘jaliklari homiylikning alohida turidan keng foydalanadi. Davlat baholashlar, bojlar va texnikaviy me’yorlami o‘rnatishga faol ta’sir etadi. Bu tizim asosida yotadigan bozor iqtisodiyoti yuqori samarali xo‘jalik faoliyatiga undaydigan rag‘batlantirishlarga ega bo‘ldi. Nemis modelining xarakterli jihatlari: - iqtisodiyotga davlat ta’sirining yuqori darajada ekanligi; - asosiy makroiqtisodiy ko‘rsatkichlarning oldindan bashorat qilinishi; - firma rahbarlari bilan xizmatchilaming ish haqlan darajalari farqlarining kamligi; - modelning ijtimoiy yo‘naltirilganligi. Shved modeli aholining kam ta’minlangan qatlamlari foydasiga milliy daromadni qayta taqsimlash hisobiga mulkiy tengsizlikni qisqartirishga mo‘ljallangan kuchli ijtimoiy siyosat yuritish bilan ajralib turadi. Bu davlat hammasi bo‘lib 4 % asosiy fondlarga egalik qilsada, o‘tgan asming 90-yillaridan boshlab davlat xarajatlari yalpi ichki mahsulotning 50 %idan ortiqrog‘ini tashkil eta boshladi. Biroq, bu xarajatlarning yarmidan ko‘prog‘i ijtimoiy ehtiyojlar uchun Ilmiybaza.uz yo‘naltiriladi. Tabiiyki, bunga yuqori soliq yuki (ayniqsa, jismoniy shaxslar hisobiga) sharoitidagina erishish mumkin. Shved modelining xarakterli jihatlari: - iqtisodiyotning ijtimoiy yo‘naltirilganligi; - mulkiy tengsizlik milliy daromadni taqsimlash vositasida qisqartirilishi; - aholining kam ta’minlangan qatlamlariga g‘amxo‘rlik qilish; - davlatning mollarga baho belgilash va uni o‘rnatish jarayonlariga faol aralashuvi; - mulkchilikdagi davlat sektorining nodavlat va shaxsiy sektorga nisbatan yuqori ulushga ega ekanligi. Fransuz modeli: - davlatning yuqori muvofiqlashtiruvchi roli (1947-yildan buyon rivojlanishning besh yilliklar bo‘yicha istiqbolni belgilashga amal qilinadi); - davlatning to‘g‘ridan to‘g‘ri ishbilarmonlik faoliyatining ancha keng miqyosli ekanligi; - davlatning kapital jamg‘arish jarayoniga aralashuvi. Janubiy Koreya modelining yapon modeliga o‘xshash umumiy jihatlari mavjud. Ularga mamlakat aholisining psixologik taxliti, yuqori darajada mehnatsevarligi va o‘z burchiga mas’uliyat bilan yondashuvi, shuningdek konfutsiychilik axloqiy me’yorlarga asoslanishini misol tariqasida keltirish mumkin. Har ikkala model uchun xos jihat sifatida davlat organlarining iqtisodiyotni qayta qurishda faol ishtirok etishlarini keltirish mumkin. Iqtisodiyotni modemizatsiyalashni tezlashtirish maqsadlarida soliq, tarif va valuta siyosatidan keng foydalaniladi. Uzoq vaqtlar resurslarbaholari, ishlab chiqarish va iste’mol uchun mo‘ljallangan mollar ustidan nazorat qilish saqlanib qoldi. Janubiy Koreyada yuzaga kelgan iqtisodiyotni davlat tomonidan muvofiqlashtirish tizimi Janubiy Koreya mollarini jahon bozorida raqobatbar- doshligining oshishiga imkoniyat yaratib berdi. Shu tariqa, Yaponiyaga nisbatan ozroq bo‘lsada Janubiy Koreya bozor munosabatlarining rivojlanishi chebol deb atala- digan yirik korporatsiyalar Ilmiybaza.uz timsolida (keyinchalik moliyaviy- sanoat guruhlariga o‘sib o‘tgan) bozor iqtisodiyoti uchun kuchli poydevor yaratishga imkoniyatlar yaratdi. Janubiy Koreya modelining yana bir unsuri — bu davlat tomonidan qisqa muddatlar ichida mayda va o‘rta tadbirkorlikning qo‘llab-quvvatlashi natijasida o‘rta sinfning shakllanishini keltirish mumkin. o‘tgan asming 90- yillari oxirida Janubiy Koreya va yapon modellari bozor mexanizmlariga kuchli davlat aralashuvini o‘z boshidan kechirdilar. Natijada yapon modelining jahon moliyaviy inqiroziga moslashish darajasi kuchsiz ekanligi sezildi. Janubiy Koreya modelining ba’zi xarakterli jihatlari: - istiqbolni belgilash rejalarining tuzilishi (1962-yildan buyon besh yillik istiqbolni belgilash rejalari ishlab chiqiladi); - kredit-moliya sohasida davlat nazoratining mavjudligi; - tashqi iqtisodiy sohada eksportni rag‘batlantirish va importni cheklashga qaratilgan muvofiqlashtirishning mavjudligi.64 Tahlillardan ko‘rinib turibdiki, barcha rivojlangan mamlakatlar o‘z kuch- qudratlarini oshirib borishida bozor iqtisodiyoti me- xanizmlari asosiy rol o‘ynayotgan bo‘lsa-da, har bir mamlakatning rivojlanish modellarida o‘ziga xoslik va tarixiy milliy rivojlanish tajribasining ta’siri mavjud bo‘lib, ular modellarning o‘zaro bir- biridan farqlanishida sezilib turadi. Shuning uchun ham O‘zbekiston davlati mustaqillik davrida sobiq sho‘rolar davridagiga butunlay o‘xshamaydigan milliy iqtisodiyotni shakllantirish yoiini tutdi. Bu rivojlanishning milliy va xalqaro tamoyillariga asoslangan «o‘zbek modeli» edi. Uni keyingi o‘n yillikda barcha xorijiy davlatlar va xalqaro tashkilotlar nafaqat e’tirof etdi, balki uni ba’zi o‘tish davrini o‘z boshidan kechirayotgan mamlakatlarda qo‘llash zarurligini ham ta’kidlamoqda. 1. Mustaqillik arafasidagi ijtimoiy-iqtisodiy holat va «o‘zbek modeli»ni ishlab chiqishning zarurati Sobiq ittifoqning inqirozga yuz tutishi natijasida agrar mintaqa bo‘lgan O‘zbekiston jar yoqasiga kelib qolgan edi. Xuddi shu davrda mamlakat rahbari bo‘lib kelgan I.A.Karimov ijtimoiy- iqtisodiy va siyosiy vaziyatni chuqur tahlil etib, Ilmiybaza.uz hali mamlakat tarixi uchun butunlay yangi bo‘lgan rivojlanishning «o‘zbek modeli»ni ishlab chiqishni boshlagan edi. Mazkur modelning mazmun-mohiyati besh tamoyilda mujassamlashdi: 1) iqtisodiyotni mafkuradan xoli qilish; 2) qonun ustuvorligini ta’minlash; 3) davlatning bosh islohotchi sifatidagi boshqaruvchilik rolini tan olish; 4) mamlakatimizning o‘ziga xos xususiyatlarini hisobga olgan holda, kuchli ijtimoiy siyosat yuritish; 5) islohotlarni bosqichma-bosqich amalga oshirishdan iborat edi. O‘zbekistonning uzoq davr sho‘rolar mamlakati tarkibida rivojlanishi, kom munistik partiya siyosati tufayli milliy o‘zlik, milliy qadriyatlar va madaniyatning inqirozga uchrashi, sobiq totalitar tuzumdan merosbo‘lib qolgan rejali iqtisodiyot, mam- lakatning inqirozlar arafasiga kelib qolganligi rivojlanishning faqat va faqat O‘zbekistonga xos bo‘lgan modelini ishlab chiqish va qoMlash zaruratini keltirib chiqargan edi. O‘zbekiston sobiq ittifoq davrida ham milliy, ham yakka hokim mafkura zulmi ostida yashadi. Kommunistik mafkura o‘z tabiatiga binoan totalitar ruhdagi mafkura bo‘lib, u asosan hayotning barcha jabhalarini egallashga, har bir insonning shaxsiy hayotini ham butunlay nazorat qilishga da’vogar edi. Totalitar mafkura o‘z tabiati va xarakteridan kelib chiqib «buyuk kelajak» uchun o‘tmishni ham, boshqa har qanday mafkuralami ham inkor etgan edi. Jamiyatning barcha sohasidagi hokimiyat butunlay partiyaga tegishli boMib, kommunistik partiya bilan davlat apparati bir-biri bilan chirmashib va qo‘shilib ketgan edi. Shuningdek, jamiyatning davlatlashtirish darajasi ham o‘zining eng yuksak cho‘qqisiga chiqib, davlatdan mustaqil boMgan ijtimoiy hayot va jamiyatning demokratik institutlari butunlay yo‘q qilindi: kommunistik partiyadan boshqa barcha partiyalar tor-mor qilindi, barcha jamoat tashkilotlari va nodavlat birliklar hukmron partiyaga bo‘ysundirildi. Huquq va qonunlarning jamiyatdagi o‘rni pasayib, kommunistik partiya qonun bilan cheklanmagan va qonunga bo‘ysunmagan cheksiz vakolatlarga ega boMdi. Kommunistik partiya apparati Ilmiybaza.uz iqtisodiyotning barcha sohalarini monopoliya qilib olgan holda ma’muriy- buyruqbozlik usulida rahbarlik qila boshladi. Kommunistik partiya shaxs hayoti, oila, din, san’at, fan, madaniy an’analar kabi ijtimoiy hayot sohalarini ham o‘z nazorati ostiga olib, bu sohalardagi qadriyat va me’yorlami belgilab berishga ham da’vogarlik qila boshladi. Jamiyat a’zolarining erkin fikrlash, mehnat qilish va o‘z shaxsini intellektual va ma’naviy jihatlardan yuksaltirish, yaratuvchilik ijodiy qobiliyatini takomillashtirish kabi sifatlarini rivojlantirish imkoniyatlari totalitar rejim tomonidan siqib qo‘yilganligi uchun ham sobiq sho‘ro jamiyati o‘zini o‘zi rivojlantirish va yangilash imkoniyatlaridan deyarli mahrum boMgan edi. Shuning uchun ham bu jamiyat tez o‘zgarayotgan dunyoga nisbatan moslasha olmadi. Kommunistik partiya va davlatning ishlab chiqarish va moddiy-ma’naviy boyliklarni taqsimlashdagi o‘mining beqiyosligi, ularning xususiy mulkchilik va bozor raqobatchiligini ta’qiqlash siyosati, shuningdek, ortiqcha ijtimoiy diflferensiatsiyaga yo‘l qo‘ymasligi oqibatlarida jamiyat va davlat rivojlanishidagi barcha maqsadlar majburlash vositalarida amalga oshirila boshlandi. Boshqacha aytganda, boshqaruv noiqtisodiy usullarda, ya’ni iqtisodiyotning rivojlanish qonuniyatlarini hech bir hisobga olmagan holda amalga oshirildi. Shuning uchun ham jamiyatda demokratiya unsurlarining shunchaki yashashi uchun biron-bir imkoniyat ham yo‘q edi. Davlat hokimiyatining barcha jabhasi faqat kommunistik partiyaga tegishli edi. Bu holatni taniqli siyosatshunos Xanna Arendt o‘zining «Totalitarizm virusi» nomli asarida quyidagicha ifodalaydi: «Partiya doimo jamiyatning tizilmalashuvi bilan bog‘liq bo‘lib, un’ing ma’lum qatlamlari manfaatlarini ifoda etdi. Olomon uchun tuzilmaviylikning yetishmasligi yangi tipdagi partiyaga bo‘lgan zaruriyatni shakllantirdi. Butin bir jamiyat manfaatlarini ifoda etishga da’vogarlik qilayotgan partiya fuqarolik jamiyatini olomon gumhlarga aylantirdi, partiyaning o‘zi esa partiyaviy- byurokratik davlat tizimiga o‘sib o‘tdi»65. Mamlakatda yakkahokim partiya va mafkuraning tazyiqi oqibatlarida shaxsning erkin fikrlashi, o‘z atrofidagi voqelikni erkin va halol tahlil etishi, o‘z tashabbuskorligi va ijodiy qobiliyatini toiiq namoyon qilishi, shuningdek, o‘zi Ilmiybaza.uz xohlagan tarzda ijtimoiy-iqtisodiy va siyosiy jarayonlarda ishtirok etishi uchun hech bir shart-sharoitlar qolmagan edi. Shuning uchun ham jamiyat a’zolari o‘rtasida ijtimoiy faolsizlik va boqimandalik kayfiyatlari mislsiz tarzda kuchaydi. Rus olimi A.A.Kara-Murza sobiq sovet davridagi partiyaning hukmron mavqeyini quyidagicha ifodalaydi: «Partiyaga uning safidan chiqarish imkoniyati mavjud bo‘lganligi uchun ham qabul qiladilar. Mamlakatdagi barcha lavozimlarga partiya a’zolari boshqalardan iste’dodli, a’lo, adolatli bo‘lganliklari uchun emas, balki ularga nisbatan ko‘proq itoatgo‘y bo‘lganliklari uchun qo‘yiladilar — ulami salgina itoatsizliklari uchun hech bir sudsiz qatl etish yoki qamoqqa tiqish mumkin. Partiya va hokimiyatning kuchi partiyaviy «ta’sir»ning (shunday ataganlar) hamma yerda mavjud bo‘lganligidadir. Partiyadan haydalgan odam bepoyon mamlakatning biron-bir burchagida ham tazyiqdan panoh topish uchun joy topa olmas edi»66. Partiya va sovet davlatining baravarlashtirish siyosati kishilardagi shaxsiy tashabbus, ijodiy fikrlash, siyosiy yoki ishlab chiqarishdagi muammolarni mustaqil tarzda yechish kabi qobiliyatlarini rivojlanishiga imkon bermadi. Kommunistik partiya tomonidan O‘zbekiston ulkan mamlakatning paxta xomashyosini yetkazib beruvchi bazasiga aylantirildi. Yetishtirilgan paxta hosiliga markaz egalik qila boshladi. Respublikaning xomashyo o‘lkasiga aylantirilishi uning agrar mintaqa bo‘lishini taqozo etdi. Oqibatda respublika iqtisodiy va ijtimoiy-siyosiy hayotning hamma sohalari boshqa ittifoqdosh respublikalardan bir necha marta orqada qolib ketdi. Markazning ko‘zga ko‘rinmas, niqoblangan mustamlakachilik siyosati partiya faoliyatining barcha sohalarida sezilar edi. Deyarli barcha ekin maydonlarini paxtaga moslashtirish, muttasil bir xil ekin ekilishidan charchagan dalalarga tobora ko‘proq kimyoviy va zaharli o‘g‘itlar solish misli ko‘rilmagan darajada avj oldi. Buning natijasida havo, suv, oziq-ovqat, meva va poliz mahsulotlarining zararlanishi inson salomatligiga xavf solib, ko‘plab yangidan yangi kasalliklarni keltirib chiqardi. Bolalar oiimi nihoyatda ko‘paydi. Suvdan istiqbolsiz, o‘rinsiz foydalanish Orol fojeasini keltirib chiqardi. Turg‘unlik davrida ham ana shu eski siyosat madaniyroq va puxta niqoblangan Ilmiybaza.uz ravishda davom etdi. Ittifoqning Yevropa qismida to‘xtovsiz ravishda kuchayib borayotgan xomashyoga bo‘lgan talabni qondirish maqsadida O‘zbekistonda paxta yetishtirishning eng oxirgi imkoniyatlari ham ishga solindi. Natijada ekologik holat yanada yomonlashdi, paxtakor mehnati juda og‘irlashdi. Xalqning turmush kechirish darajasi qiyinlashib, iqtisodiy-ijtimoiy muam- molar yanada keskinlashdi. Qayta qurish davrida qisman berilgan demokratik erkinliklar, oshkoralik, xalqning o‘zini o‘zi boshqarish kafolatlari xalq ahvolini tubdan yaxshilay olmadi. Chunki, boshqarish, ishlab chiqarish va mulkchilikning eski usullari bekor qilinib, yangisi barpo qilinmaganligi, ittifoqdosh respublikalar o‘rtasidagi iqtisodiy aloqalar buzilganligi, markazning yana yakkahokimlik qilish siyosatidan qaytmaganligi, o‘zaro ichki siyosiy kurashlar, RSFSR bilan ittifoq va uning tuzilmalari o‘rtasidagi hokimiyat uchun o‘zaro kurashlar va uning iqtisodiy oqibatlari xalqning moddiy ahvolini keskin yomonlashtirdi. Xalq iste’mol mollari, oziq-ovqat mahsulotlari taqchilligi kuchayib bordi. Narx-navo ham to‘xtovsiz oshib bordi. 1989-yilda Prezident Islom Karimov respublika rahbari bo‘lgan davrda mamlakat siyosiy va ijtimoiy-iqtisodiy hayotidagi ana shunday og‘ir siyosiy, iqtisodiy vaziyat va bo‘xronlar mavjud edi. Bir tomondan, markazning ittifoqni saqlab qolish umididagi tazyiqlari, ikkinchi tomondan, o‘zini muholifatchi deb atagan turli guruh va oqimlar boshliqlarining xurujlari respublika hukumatini barqaror siyosat olib borishini xavf ostiga qo‘ydi. Ana shunday qiyinchiliklar davrida markazdagi oliy hokimiyat — KPSS rahbarlaridan bir guruhning 1991-yil 19—21-avgust kunlari davlat to‘ntarishi qilishga urinishlari va uning oqibatlari shuni ko‘rsatdiki, endi O‘zbekiston markazning vassali bo‘lib qola olmaydi. Markazda g‘alaba qilgan siyosiy kuchlarning ba’zi bir harakatlari, ittifoqning boshqarish tuzilmalarini boshqa respublikalar bOan hech bir kelishmay turib ishg‘ol qilishga urinishlar, KPSS oliy rahbariyati bir qismining davlat to‘ntarishida ishtirok etishi, KPSS faoliyatini rasman to‘xtatib qo‘yilishi kabi voqealar O‘zbekistonning ittifoq tarkibida rivojlanishini shubha ostiga qo‘ygan edi67. Ana shunday qiyin, taxlikali va murakkab sharoitlarda O‘zbekiston Ilmiybaza.uz Respublikasining Davlat mustaqilligi e’lon qilindi. Umuman, milliy mustaqillikning dastlabki davrida sobiq totalitar jamiyat qoldirgan meros mamlakat ijtimoiy-siyosiy va iqtisodiy hayotining barcha sohalarini o‘ziga qamrab olgan edi. Mamlakatda hali fuqarolik jamiyatining unsurlari shakllanmaganligi, bu sohadagi tajribalarning kamligi, demokratik qadriyatlar xalq mentalitetiga singmaganligi, yangi jamiyatning iqtisodiy asoslari shakllanmaganligi kabi yuzlab dolzarb muammolar o‘z yechimini kutmoqda edi. Jahon tajribasi shundan dalolat beradiki, o‘z davlatchiligini qo‘lga kiritish, milliy va ijtimoiy ozodlikka erishish hech qaerda yengil va osonlikcha bo‘lmagan. Mustaqilikka erishgan har bir mamlakat o‘z taraqqiyot yo‘lini izlaydi, yangi jamiyat barpo etishda o‘z andozasini ishlab chiqishga intiladi. Dunyoda ijtimoiy taraqqiyot yo‘lining turli variantlari mavjud. Turkiya, Janubiy Koreya, Shvesiya modellari va boshqalar bunga misoldir. Bir qancha musulmon mamlakatlari va yangi industrial mamlakatlarning tajribasi ham shuni ko‘rsatadi. Ikkinchi jahon urushidan so‘ng Ovrupo mamlakatlari va Yaponiya iqtisodiyotini qayta tiklash ham buning amaliy namunasidir. O‘zbekiston boshqa davlatlar taraqqiyoti jarayonida to‘plangan va respublika sharoitiga tatbiq qilsa bo‘ladigan barcha ijobiy va maqbul tajribalardan shak-shubhasiz samarali foydalandi. Gap biron-bir modelni, hatto u ijobiy natijalar bergan taqdirda ham, ko‘r-ko‘rona ko‘chirib olish to‘g‘risida borayotgani yo‘q. Aniq-ravshan vositalar va usullar qaysi mamlakat uchun mo‘ljallangan bo‘lsa, o‘sha mamlakatning o‘ziga xos sharoitidagina ijobiy natija beradi. Jahon va o‘zimizning amaliyotimizdan olingan barcha unumli tajribani rad etmagan holda o‘z ijtimoiy-iqtisodiy va siyosiy-huquqiy taraqqiyot yo‘limizni tanlab olish respublikaning qat’iy pozitsiyasidir. Shuni alohida ta’kidlash zarurki, soxta inqilobiy sakrashlarsiz, fojiali oqibatlarsiz va kuchli ijtimoiy larzalarsiz, evolyusion yo‘l bilan normal, madaniyatli taraqqiyotga o‘tish - tanlab olingan yo‘lning asosiy mazmuni va mohiyatidir. Odamlarning ongi va turmushiga o‘nlab yillar mobaynida, ko‘pincha zo‘ravonlik yo‘li bilan singdirilgan narsalarni bir zumda o‘zgartirish mumkin emas. Buning uchun ijtimoiy guruhlar o‘rtasidagi munosabatlarning keskinlashuviga va ularni bir-biriga qarama-qarshi Ilmiybaza.uz qo‘yishga barham berish bilan jamiyatni yangilash va o‘zgartirish zarurligiga odamlarning o‘zini ishontirish, harakatga keltiruvchi kuchlarni va mehnatning rag‘batlantiruvchi omillarini o‘zgartirish kerak. Mavjud ijtimoiy-iqtisodiy muammolarning keskinligi, ularning o‘ziga xos xususiyati bu muammolarni hal etishga alohida yondashuvni taqozo etadi. Turmush sharoiti va tarzining milliy xususiyatlari, Sharq madaniyatiga mansublik ham shuni talab etadi. O‘zbekistonda iqtisodiy islohotlar boshlanguniga qadar ijtimoiy-iqtisodiy vaziyat og‘ir edi. Yengil-yelpi, iqtisodiy, “kosmetik” yoki ko‘r-ko‘rona u yoki bu davlatning iqtisodiy modeliga asoslangan holda islohotlarni amalga oshirish bilangina bu holatdan chiqib ketish mumkin emas edi. Iqtisodiy inqirozdan chiqish uchun har tomonlama puxta o‘ylangan, bir necha davlatlarning ijobiy tajribalariga suyanib, milliy xususiyatlar va respublikadagi mavjud imkoniyatlarni to‘liq hisobga olib, keng miqyosdagi tub iqtisodiy islohotlar rejasining nazariy asoslari va uni amalga oshirish usullarini yaratish kerak degan xulosalarga kelindi va shu ish olib berildi. Bu masalaga Birinchi Prezident I. Karimovning quyidagi fikrlari oydinlik kiritdi: «Biz boshqa davlatlarning rivojlanish jarayonida to‘plagan va respublika sharoitiga tatbiq qilsa bo‘ladigan barcha ijobiy tajribalardan foydalanish imkoniyatini istisno qilmaymiz, ayni chog‘da biron-bir andazadan, hatto u muayyan mamlakatlarda ijobiy natijalarga olib kelgan bo‘lsa ham, ko‘r-ko‘rona nusxa ko‘chirish mutlaq noma’quldir”. Muayyan vositalar va usullar qaysi mamlakatlar uchun mo‘ljallangan bo‘lsa, ular o‘sha mamlakatlarga xos bo‘lgan alohida sharoitlardagina ijobiy samara berishi mumkin. Begona, yot andozalar sun’iy ravishda tiqishtirilgan joylarda iqtisodiy islohotlar muqarrar ravishda barbod bo‘laveradi. Bu yo‘l bozor iqtisodiyotining umumiy tomonlarini e’tirof etgan holda O‘zbekistonning milliy xususiyatlarini hisobga oladi. Bu yo‘l jahon tajribasiga tayangan holda, ammo mamlakatimizning milliy manfaatini, undagi real sharoitlarni hisobga olib, bozor iqtisodiyotiga inqilobiy sakrashlarsiz, ijtimoiy larzalarsiz, tinchlik va xotirjamlik sharoitida, xalqni ijtimoiy himoya qilish orqali sekin-asta, bosqichma-bosqich o‘tilishini ta’minlaydi. Ilmiybaza.uz Bu tamoyilni inkor etishlik qanday natijalarga olib kelishini Sharqiy Yevropa tanlagan yo‘l orqali bozor tomon harakat qilish misol bo‘la oladi. Bu yo‘lda, Xalqaro valyuta fondining maslahatlariga amal qilib, narx-navoga tezroq erkin tus berishga, soliq, kredit va valyuta siyosatining cheklangan choralari vositasida moliya-pul barqarorligiga erishishga zo‘r berildi. "Falaj qilib davolash" ("shok terapiyasi") usulidan foydalanish iqtisodiyotni totalitar tuzumdan birdaniga ajratib olish, pul- moliyaviy usullarni bozor munosabatlarini rivojlantirishning o‘ziga xos tezlatkichiga aylantirishni maqsad qilib qo‘ygan edi. Biroq bunday yondashuvning ijtimoiy oqibati juda og‘ir bo‘ldi. Yugoslaviyada iqtisodiy islohotning amalga oshirilishi (A. Markovich rejasi) asosiy iqtisodiy ko‘rsatkichlarni keskin ravishda pasaytiribgina qolmay (1991 yilda sanoat ishlab chiqarishi 20 foiz, sarmoya sarflash 17 foiz kamaydi), federatsiyaning parchalanishiga, millatlararo-etnik guruhlar o‘rtasida mojarolarning kelib chiqishiga sabab bo‘ldi. Chexoslovakiyada islohotning "falaj qilib davolash" nusxasi (V. Klaus rejasi) ham ishlab chiqarish tanazzuliga hamda sarmoya sarflashning to‘xtab qolishiga, mamlakatning bo‘linib ketishiga olib keldi. Bu usul Ruminiya va Bolgariyada pul qadrsizlanishining kuchayishiga, tashqi iqtisodiy va ichki qarzlarning ko‘payishiga, ishsizlikka va ishlab chiqarishning keskin pasayib ketishiga olib keldi. "Falaj qilib davolash" usulini (L. Balserovich rejasini) G‘arb mamlakatlari va xalqaro moliya tashkilotlarining faol ko‘magi bilan boshqa mamlakatlarga nisbatan izchilroq amalga oshirgan Polshada iqtisodiyot tarkibida, ayniqsa qishloq xo‘jaligida xususiy sektorning ulushi ko‘pligiga qaramay, bu yo‘l pulning haddan tashqari qadrsizlanishiga, aslida mamlakat sanoatining barbod bo‘lishiga, tashqi qarzning nihoyatda oshib ketishiga olib keldi. Xalqimizda "yangi uy qurmay turib, eskisini buzmang - boshpanasiz qolasiz", degan naql bor. Unda respublika aholisining ruhiyati to‘la aks etgan. Shuni hisobga olib, O‘zbekistonning islohotlarning bosqichma-bosqich, evolyusion yo‘li asos qilib olingan. O‘zbekistondagi islohotlarning o‘ziga xos xususiyati ham shunda. Bir bosqichni tugallab, zarur shart-sharoitni yaratib, shundan keyingina yangi bosqichga o‘tiladi. Har bir bosqichda uning o‘ziga xos ustuvorliklari shakllanadi, ularni Ilmiybaza.uz ta’minlash vositalari takomillashadi. Har bir bosqichning qancha davom etishi unda hal qilinishi lozim bo‘lgan muammolarga, tashqi omillarning nechog‘lik qulayligiga, aholining fidokorona mehnatiga bog‘liqdir. O‘zbekistonda islohotlarni amalga oshirish jarayonida quyidagi asosiy o‘ziga xos xususiyatlar va shart-sharoitlar har tomonlama hisobga olingan. Avvalo, u aholining milliy-tarixiy turmush va tafakkur tarzidan, xalq an’analari va urf-odatlaridan kelib chiqadi. Ikkinchidan, Respublikadagi o‘ziga xos demografik vaziyat - g‘oyat muhim xususiyatlardan biridir. Uchinchidan, Respublikaning yana bir xususiyati - milliy tarkibining o‘ziga xosligidir. To‘rtinchidan, Respublika qulay geostrategik mavqega ega. Beshinchidan, O‘zbekistonda islohotlarni amalga oshirish yo‘llari va yondashuvlarini tanlashga tabiiy-iqlim sharoitlarining o‘ziga xosligi belgilovchi ta’sir o‘tkazmoqda. Oltinchidan, O‘zbekiston Respublikaning siyosiy va iqtisodiy mustaqilligini himoya qilish imkonini beradigan yetarli potensialga ega. Yettinchidan, keyingi o‘n yillar mobaynida ma’lum qadriyatlarga ega bo‘lgan kishilarning muayyan ijtimoiy ongi shakllanganligini ham e’tiborga olmaslik mumkin emas.