«САЛОМЛАШИШ ОДОБИ» ФАОЛИЯТ ИШЛАНМАСИ Қорасув шахар Мавзу: Одоб саломдан бошланади. Мақсад: Болаларга ассалому-алайкум сўзини тўғри ва тўлиқ айтишни ўгатиш, уларни салом беришга одатлантириб бориш. Болаларга «Ассалому алайкум» - сенга саломатлик тилайман, деган маънони англатилса «Ва алайкум ассалом» - “Сизга хам саломатлик тилайман’’ эканлигини тушунтириш. Ўзбекона миллий саломлашишнинг ўзига хослиги: табассум, очиқ чехра, самимий мехр билан бир-бирига боқиш, «Ассалому алайкум» деб саломлашганда очик чехралик ва табассум билан салом берувчи, алик олувчиларнинг товушлари бир – бирларига эшитарли бўлиши кераклигини тушунтириш. Керакли жихоз: Н.Шодиевнинг "Ассалом" шеъри Фаолиятнинг бориши: Тарбиячи: Болажонлар, диққат билан эшитинг, сизларга "Ассалом" хақида шеър айтиб бераман. Тарбиячи Н.Шодиевнинг "Ассалом" шеърини айтиб беради. Ассалом. Хар кун тонгда тураман, Дилдан қувнаб юраман. Қуёш, майса ўтлоққа, Яйраб десам Ассалом, Завқ оламан бир олам. Тарбиячи: Бугун мен сизларга катталарни кўрганда дарров салом бериш кераклигини эслатмоқчиман. Салом бериш яхши одат. Сиз катталарга салом берсангиз улар хурсанд бўладилар, сизни одобли бола экан, дейдилар. Болажонлар, сиз катталарни кўрганда "Ассалому-алайкум" деб салом берасизми? (Болаларнинг жавоби) Болажонлар, катталарга қандай салом берасиз? Болалар, катталарга тўғри салом беришни олдин мен кўрсатаман, кейин хаммамиз биргаликда бажарамиз. Қўлимизни кўксимизга қўйиб, сал олдинга энгашиб, жилмайиб, "Ассалому - алайкум", деймиз. Келинглар, хаммамиз ўрнимиздан туриб биргаликда бажарамиз. Қўлимизни кўксимизга қўямиз, жилмайиб, озроқ энгашиб салом берамиз — Ассалому - алайкум. Баракалла, болажонлар, хаммангиз чиройли салом беришни ўрганиб олдингиз. Уйда бува - бувингизга, ота-онангизга, опа- акангизга қўлингизни кўксингизга қўйиб «Ассалому-алайкум», деб салом беришларингиз керак. Кўчада, боғчада катталарга қўлимизни кўксимизга кўйиб «Ассалому— алайкум», дейишимиз керак. Болажонлар, сиз хар куни боғчага келганда ўртокларингиз билан хам саломлашишингиз керак. Толиб Йўлдош “Салом” Салом билан бошланар, Билсанг одоб ва ахлоқ Салом билан бегона, Бўлар тезда дуст - инок. Салом, ассалом минг - минг, Сўзлар ичра дурдона. Салом хар бир боланинг, Одобидан нишона. Амалий машқ: “Салом беришни ўрганамиз" Машқнинг максади: болаларга ўзларидан катталарга салом беришни ўргатиш ва бунга одатлантириш. Машкнинг бориши: Тарбиячи: Хозир хонага Мохичехра опа кирадилар. Биз улар билан саломлашамиз. Мохичехра опа гурухга кириб келишлари билан, сизлар, улар киришлари билан ўрнингиздан туриб, қўлингизни кўксингизга қўйиб "Ассалому-алайкум" деб салом берасизлар. Тарбиячи: Болажонлар, чиройли килиб саломлашишни ўрганиб олдингиз энди хамиша шундай саломлашиш одобига риоя қилинг. Тарбиячи фаолият давомида ва якунида болаларни ширин сўзлар билан рағбатлантиради. Уйга вазифа: Болаларга: Болалар, уйга борганда тўғри саломлашишни ўрганганингизни ота-онангизга айтиб, кўрсатиб беринг. Ота- онангиз билан ёки оилавий тушган суратингиз бўлса олиб келинг. Кейинги фаолиятда биз ота-оналарни хурмат қилиш, улар олдида одоб сақлаш, ота-она рухсатисиз узоқ жойларга кетмаслик, уларга ёлғон гапирмаслик лозимлиги хақида сухбатлашамиз. Ота- оналарингиздан одоли киз, яхши киз қандай бўлишини сўраб келинг. Ота-оналарга: Болаларнинг бугунги фаолиятда қандай мавзуни ўрганганликларини сўраб, сухбат ўтказишлари, “Ота - онага хурмат” мавзусида болалар билан қисқа сухбат ўтказишларини илтимос қилиш. Бу вазифанинг заминида келгуси фаолият мавзусига болаларни тайёрлаш.