Fuqarolik protsessual huquqi fanidan slaydi Mavzu: Yarashtirish tartib taomillari Reja: Kelishuv bitimini yoki mediativ kelishuvni tuzish Kelishuv bitimining mazmuni Kelishuv bitimini tasdiqlash to‘g‘risidagi masalani ko‘rib chiqish Kelishuv bitimini yoki mediativ kelishuvni tuzish Sud taraflarni yarashtirish uchun choralar ko‘radi, ularga fuqarolik sud ishlarini yuritishning barcha bosqichlarida nizoni hal etishga ko‘maklashadi. Taraflar kelishuv bitimini yoki mediativ kelishuvni tuzib, nizoni o‘zaro talablarning to‘liq hajmida yoki qisman hal etishi mumkin. Kelishuv bitimi yoki mediativ kelishuv da’vo tartibida yuritiladigan har qanday ish bo‘yicha tuzilishi mumkin. Kelishuv bitimi fuqarolik sud ishlarini yuritishning har qanday bosqichida va sud hujjatini ijro etish jarayonida, mediativ kelishuv esa birinchi instansiya sudida sud alohida xonaga (maslahatxonaga) sud hujjatini qabul qilish uchun chiqquniga qadar taraflar tomonidan tuzilishi mumkin. Kelishuv bitimi yoki mediativ kelishuv yozma shaklda tuziladi va kelishuv bitimini, mediativ kelishuvni tuzgan shaxslar yoki ularning vakillari tomonidan imzolanadi. Kelishuv bitimi va mediativ kelishuvning mohiyati  Kelishuv bitimi va mediativ kelishuvlar, bir tomondan, nizoli tomonlar o‘rtasida o‘zaro anglashuv va kelishuvga erishish maqsadida tuziladi. Kelishuv bitimi rasmiy hujjat sifatida huquqiy kuchga ega bo‘ladi va tomonlarning o‘zaro majburiyatlarini belgilaydi. Mediativ kelishuv esa, odatda, uchinchi taraf — mediator yordamida amalga oshiriladi. Mediator, har ikki tomonning manfaatlarini hisobga olgan holda, konstruktiv muzokaralar olib boradi va tomonlarni o‘zaro kelishuvga undaydi. Kelishuv bitimining mazmuni Taraflar tomonidan kelishuv bitimi shartlari bo‘yicha qabul qilingan majburiyatlarning ijro etilishi taraflarni bir-biriga yoki boshqa voqealarga (harakatlarga) bog‘liq qilib qo‘yishi mumkin emas. Kelishuv bitimida javobgar tomonidan majburiyatlarni kechiktirib yoki bo‘lib-bo‘lib ijro etish to‘g‘risidagi, talab qilish huquqidan boshqa shaxs foydasiga voz kechish haqidagi, qarzdan to‘liq yoki qisman voz kechish yoxud uni tan olish to‘g‘risidagi, sud xarajatlarini taqsimlash haqidagi shartlar va qonunga zid bo‘lmagan boshqa shartlar bo‘lishi mumkin. Kelishuv bitimi uni ijro etish muddati va tartibi ko‘rsatilgan holda taraflar tomonidan kelishilgan shartlarni o‘z ichiga olishi kerak. Agar kelishuv bitimida sud xarajatlarini taqsimlash to‘g‘risidagi shart mavjud bo‘lmasa, sud mazkur masalani kelishuv bitimini tasdiqlash chog‘ida, ushbu Kodeksda belgilangan tartibda hal qiladi. Kelishuv bitimi uni tuzgan shaxslar sonidan bitta ortiq nusxada tuziladi va imzolanadi. Ushbu nusxalardan biri ish materiallariga qo‘shib qo‘yiladi.